圭賢@Super Junior人氣論文榜1位　慶熙無斗俊@highlight讀個科

朴寶劍當初忙完《雲畫的月光》之後都有回歸學校生活。（網上圖片）

韓國娛樂圈有唔少藝人都會一路進行演藝事業一路讀書，不過好多時都因為有繁多嘅行程，好難得先有機會去上堂。好似之前朴寶劍被爆出會以工作人員身份參與Year 4畢業功課，不過其後朴寶劍就表示對有份參與的同學造成影響覺得非常抱歉。喺校方嚟講有明星、偶像就讀當然可以大大提高學校嘅知名度，但係學生方面又會點睇呢？

鄭容和今日被爆出特惠入讀慶熙大學。（網上圖片）

今日CNBLUE隊長鄭容和就被爆出特惠入讀慶熙大學嘅博士課程，鄭容和都有係自己Instagram更新一張手寫信照片，表示「一切都係我嘅錯誤，正在深切反省當中」。而鄭容和所屬經理人公司FNC Entertainment就表示「鄭容和係2016年申請應用藝術學科的博士課程時，因為失誤得到不合格結果，加上博士課程報考人數不足，所以大學方面就勸導鄭容和參加追加招生嘅考試。」

尹斗俊都被爆其實佢讀個科根本就唔存在…（網上圖片）

爆出鄭容和特惠入學後，就有網民爆料根本就唔止鄭容和一個人係咁，好似Highlight隊長尹斗俊、BLOCK B隊長Zico以及Super Junior忙內圭賢都係有問題！網民表示「尹斗俊嘅學科根本就無博士課程，Zico在學中讀緊碩士課程，但連論文都無寫，更加唔會係博士囉！」

Super Junior成員圭賢就靠自己努力考入慶熙大學。（網上圖片）

雖然唔知真偽，不過當時圭賢除咗忙住Super Junior嘅日程外，佢都有抽時間去上堂，出席率更高達90%以上，並以優秀成績畢業。雖然圭賢曾經停學一年半，但係喺最後學期都有減少活動專心學業，更有喺畢業演奏會中跟同期畢業生一齊表演！加上圭賢喺2015年演出《Running Man》時，劉在錫就以「數學天才」、「全校第一」、「得過奧林匹克獎」等介紹圭賢出場，更有提及圭賢並未以演藝人身份特惠入學，而係以優異高考成績考入慶熙大學！所以今次特惠入學就絕對唔關圭賢事。

圭賢碩士論文登上人氣論文榜1位。（網上圖片）

圭賢喺2016年就讀慶熙大學研究生院後現代音樂系提交嘅碩士論文，今日登上咗韓國學位·學士論文網站RISS的人氣論文榜1位，論文以「對K-POP現狀同未來發展性嘅研究，又以日本、中國等K-POP嘅成功事例為基礎研究K-POP進軍美國、歐洲市場嘅戰略」為題，論文於2016年2月份提交，直至目前已有1萬3807次嘅點擊數，圭賢再一次以實力證明自己係學霸oppa！

圭賢@Super Junior人氣論文榜1位 慶熙無斗俊@highlight讀個科

更多圖片

圭賢@Super Junior人氣論文榜1位　慶熙無斗俊@highlight讀個科