《黑騎士》又來韓劇先苦後甜? 申世景喊住攬金來沅示愛

撰文:
最後更新日期:

《黑騎士》由申世景配金來沅,靚人靚景成個畫面都好靚啊!(網上圖片)

大熱韓劇《黑騎士》明晚又會有新一集播出喇!今日劇組除公開《黑騎士》預告照之外,仲公開咗預告片添!《黑騎士》預告照就講到金來沅同申世景會進行非常sweet約會,天寒地凍兩人冇去飲酒,反而去咗飲茶。之後金來沅仲帶咗申世景去溜冰場教佢溜冰添!《黑騎士》呢啲情節一定走唔甩會有skinship!緊張想睇金來沅同申世景放閃嘅劇迷,就記得準備好你個小心臟喇!

明明仲同金來沅好sweet,下一秒申世景就驚「秘密」穿煲!(網上截圖)

雖然《黑騎士》預告照就講到金來沅同申世景好sweet,不過再睇埋預告片就發覺唔係咁簡單。因為申世景嘅「秘密」好似就快要被拆穿,而金來沅知道之後仲會唔會留喺申世景身邊呢?雖然呢個「秘密」暫時嚟講都仲係一個謎,但相信好快就會浮上水面,因為申世景竟然話:「暴露事實我都唔在乎!」

《黑騎士》申世景喊住咁同金來沅示愛,佢又受唔受呢?(網上截圖)

而《黑騎士》預告片最後一幕就係申世景喊晒口咁攬住金來沅講「我愛你」!本身拍拖仲好地地嘅兩個人究竟發生咩事呢?搞到申世景喊晒,又講到佢會同金來沅分開咁?不過呢個劇情編排都好合乎韓劇嘅「先苦後甜」定律,希望金來沅同申世景在《黑騎士》可以有個happy ending啦!

惠拉(申世景)整咗咁多愛心麵包砌秀浩(金來沅)個名,當然好sweet,之不過食唔食得晒先?(網上截圖)

+12
+11
+10

《黑騎士》13集預告片

高手申世景《黑騎士》帶金來沅食麵 《河伯的新娘》南柱赫都吃過?

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。