《偶像練習生》陳立農笑容融化嚴師Lay張藝興@EXO 竟然話唔想攞A

撰文:
最後更新日期:

嚟自台灣嘅陳立農今年先17歲。(影片截圖)

山寨版《偶像練習生》未開播已經引起唔少人熱烈討論,不過播出之後觀眾對《偶像練習生》嘅嫌惡程度似乎就無預計中咁高,反而因為Lay張藝興@EXO嘅「Banlance」、GOT7王嘉爾Jackson同 MC Jin歐陽靖嘅互動、仲有李榮浩「我唔可以影響佢哋(練習生)」嘅表情都救活咗《偶像練習生》不少。而台灣參加者陳立農就成為《偶像練習生》第一集第一個拎到A級嘅參賽者,化身最強黑馬!不過觀眾請留意,千禧寶寶陳立農只係做半年練習星,學咗2個月跳舞咋!

同樣來自台灣嘅陳立農(右)同許凱皓(左)就一齊對鏡頭畀心心。(影片截圖)

陳立農自己同自己講「立農你死定了」。(影片截圖)

有睇過《偶像練習生》嘅觀眾都大讚「係咪台灣嘅男生都比較可愛」?因為陳立農一出場,現場參加者都不斷大讚佢可愛、笑容好好、好陽光、係「雪糕系嘅男生」,仲跟一同嚟自台灣嘅R16世界街舞大賽第三名許凱皓一齊對鏡頭畀心心。而係後台準備評審選秀時,大型F牌無故自動,嚇到陳立農自己都話「你睇下F同你揮手」、「立農你死定了」、「立農你完強囉」,仲叫個F牌唔好郁,又搖個D牌,表明自己想去D級添!

成集《偶像練習生》第一次見到Lay笑得咁開心。(影片截圖)

不過呢位台灣小鮮肉陳立農唔單止圈走唔少粉絲、仲融化埋一眾導師EXO張藝興Lay、GOT7王嘉爾Jackson、PRISTIN周潔瓊Pinky、程瀟@宇宙少女,以及MC Jin歐陽靖和李榮浩添!就連陳立農係表演完之後,李榮浩就讚陳立農:「你嘅笑容對你嘅歌聲有加分。」程瀟就大讚陳立農好有潛力,而MC Jin仲問陳立農有無興趣學Rap添!而係公佈陳立農最終等級之前,Lay竟然大賣關子先問下陳立農覺得自己係咩級別,仲話佢表演都仲係覺得自己係D啊?而公佈陳立農係A級之後,佢就話:「我真係無諗到自己會拎A,因為練習生嘅經歷好短,有啲驚。」陳立農仲話自己唔想拎A,因為佢覺得唔夠強又表現得唔好。不過陳立農嘅表現,觀眾有目共睹,相信佢嚟緊一定會有好大嘅進步!

MC Jin誠邀陳立農學Rap。(影片截圖)

程瀟同周潔瓊就睇得勁開心!(影片截圖)

最後公佈陳立農有A之後,佢仲驚訝得即刻踎低咗!(影片截圖)

但陳立農竟然唔想拎A。(影片截圖)

更多圖片

+27
+26
+25

《偶像練習生》陳立農參賽片段

  [偶像練習生]繼吳亦凡你有Freestyle嗎? EXO張藝興Lay講:Balance

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。