鄭裕玲拋棄孔劉喇? 轉投BTS防彈少年團「佢」懷抱直播開箱文!

撰文:
最後更新日期:

2017年5月6日孔劉喺香港開粉絲見面會,鄭裕玲仲以嘉賓身份驚喜現身上台添!(資料圖片)

香港金牌司儀鄭裕玲DoDo姐出晒名熱愛韓國娛樂圈,早前主演《屍殺列車》、《鬼怪》嘅孔劉除咗迷倒亞洲萬千少女之外,更迷倒埋Do姐添!其實鄭裕玲仲好鍾意《三流之路》嘅朴敘俊,同埋本年度新歡BTS防彈少年團成員V金泰亨㗎!

鄭裕玲喺《Do姐再Shopping》入面親身訪問朴敘俊,事後仲有post合照,寫低「多謝男朋友的出現」就知DoDo姐幾冧朴敘俊啦!(網上圖片)

GOT7香港成員王嘉爾Jackson,都係鄭裕玲集郵對象之一。(網上圖片)

鄭裕玲早前喺電台節目《口水多過浪花》就兩度提起BTS防彈少年團,言談之間Do姐仲透露佢好熟BTS同埋V嘅事㗎!鄭裕玲仲話:「當中有一個唔到你唔認識,因為有個好靚仔,佢個藝名叫做V,真名叫做金泰亨!」其後Do姐更自爆搵到好多fancam,更寫住Focus on泰泰!

鄭裕玲連A.R.M.Y喺美國紐約Time Square為V慶生落咗63萬美金廣告都知道!(網上圖片)

另外,鄭裕玲仲大讚話一見到BTS防彈少年團出場就好開心,佢哋嘅歌真係好唔同!雖然BTS就唔係個個顏值都啱鄭裕玲,但當佢哋夾埋一齊就好有team sprit!而鄭裕玲成個話題都不停圍繞住V,除咗畀相余迪偉同麻利睇,更以TC Candler世界百大美男第1位嚟介紹BTS的V,就連麻利都知碧咸同里安納度只排喺雙位數,「泰泰」真係邊有得輸?

鄭裕玲話BTS「泰泰」就稱唔上男朋友喇!不過擺係佢面前就唔介意望同埋玩吓佢啲頭髮囉!(網上截圖)

+6
+5
+4

鄭裕玲仲話因為佢喺《口水多過浪花》提過BTS防彈少年團同V之後,Do姐個Instagram更引嚟好多A.R.M.Y(BTS粉絲)留言同埋私訊,仲話好歡迎Do姐加入A.R.M.Y行列!其中一位A.R.M.Y仲私訊鄭裕玲話自己準備去參加防彈少年團嘅粉絲見面會,又附上現場照話喺零下11度排咗3個半鐘買紀念品,但排到嘅時候已經賣晒咁濟,絕對係真愛飯!

據現場A.R.M.Y同鄭裕玲報導,橋上嘅A.R.M.Y係排通宵捱落雪買紀念品。如果只係入場去防彈少年團fanmeet的話,其實唔使排隊,3秒鐘就已經可以入場。(資料圖片)

鄭裕玲更在Instagram直播開箱《BTS 2018 SEASON’S GREETINGS》,Do姐仲話:「我星期5收到㗎!忍左2日今日先拆咋!」。(網上截圖)

TVB台慶當日鄭裕玲同農夫「兩隻嘢」陸永、C君更齊擺出防彈少年團V經典V pose。(網上圖片)

DoDo姐仲收到黃致列親筆簽碟啊!(網上圖片)

鄭裕玲《口水多過浪花》片段:

(觀看更多) BTS防彈少年團本叫Big Kids SISTAR、MAMAMOO候補名讀完一定笑!

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。