韓國法案禁抄襲 Jackson王嘉爾Lay張藝興@EXO嘅偶像練習生點算?

撰文:
最後更新日期:

韓國節目製作愈嚟愈好,喺節目結構、構思、想帶出嘅意義、剪輯以及呈現出嚟嘅畫面都製作得十分成熟,成功嘅節目當然就會令人想「參考」、「借鏡」、「模仿」,好似早前嘅《中餐廳》對應《尹食堂》、《中國有嘻哈》對應《Show Me The Money》,就連近期討論度好高嘅《偶像練習生》都係以《Produce 101》嚟做藍本,直接韓文轉做中文,睇返啲場地佈景、服飾、打燈都好似copy and paste咁,如出一徹,真係好難令韓方一忍再忍。

《尹食堂》新一季仲請咗朴敘俊做打工生添!(網上圖片)

早前黃曉明連喺《中餐廳》影低餐牌都係抄李瑞鎮喺《尹食堂》入面嘅行動。(資料圖片)

今日韓國國會就通過法案,禁止外國抄襲本國文化產品及音樂,韓國教育文化體育觀光委員會嘅李東燮(音譯)議員提出嘅「文化產業振興法修訂案」和「音樂產業振興法修訂案」已經喺韓國國會會議中通過,李東燮議員仲為此表示:「本次修訂案係為咗阻止外國盲目抄襲嘅行為,今後我國政府將對此類問題進行積極應對,兩個法案都會喺今年7月30日正式實行。」

《偶像練習生》同《Produce 101》場地佈景如出一轍。(資料圖片)

李東燮議員當時直指因薩德問題以及限韓令,中國禁止引入韓國電視劇、音樂等等,加上中國國內盜版風盛行,但韓國政府卻因為外交問題無法出面對應,導致造成損失。加上近年,特別是中國反復出現抄襲韓國人氣節目,如《三時三餐》、《叢林的法則》、《尹食堂》和《show me the money》等等,希望通過今次法案,韓方可以更積極保護自己嘅文化產品以及音樂知識財產權。

中國首檔嘻哈音樂節目《中國有嘻哈》,讓國內早前掀起一陣嘻哈熱潮。(網上圖片)

+27
+26
+25

鑑於法案喺7月30日先正式實行,最近期令人嘩然嘅《偶像練習生》就可以避過一劫,不過接落嚟中國會唔會無視韓國法案繼續抄?定係訛稱自己無抄?就要睇下嚟緊中國會有咩「對策」呢?

《偶像練習生》避過一劫好事定壞事?(網上圖片)

《偶像練習生》張藝興睇穿練習生抄EXO同GOT7舞步:都是你編嗎?

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。