《Return》李陣郁性侵風波未退 又傳高賢廷爆粗打導演終下車

撰文:沈洛嘉
出版:更新:
《Return》拍到一半中途要換角點算好?(網上圖片)

韓國演員李陣郁2年前捲入性侵風波,雖然法官就將女方定罪而顯李陣郁清白,今年更演出SBS水木劇《Return》做刑警,本來有望可以好似《與神同行》嘅朱智勛一樣翻生,點知今日又傳出高賢廷(又譯:高賢貞)爆粗打導演,宣布正式從《Return》下車,所以高賢廷只會出現到第14集,換角一事又逼在眉睫,淨返呢18集《Return》點算好?

高賢廷方面稱跟製作組意見不合,調整後都無辦法整合,唯有下車。(網上圖片)

高賢廷所屬經理人公司IOK Company喺尋晚凌晨1點幾發表官方聲明,表示高賢廷將從SBS水木劇《Return》下車,以下為部份聲明「這麼晚才向大家表達官方立場非常抱歉,首先喺接受大家喜愛嘅情況下帶給大家憂慮,真心向觀眾表示歉意。演員高賢廷將正式從正在拍攝嘅SBS水木電視劇下車。呢段時間以來高賢廷出於演員嘅責任感同對作品嘅喜愛,一直都堅持拍攝。不過喺製作過程中,一直有同製作組意見有所出入,雖然已盡力調整,但都無法減低雙方誤會,所以好難再進行拍攝。作為主演未能盡到最後責任,再三致歉,同時都向所有製作人員以及演員致歉。懇請觀眾對電視劇保持關心同熱情,亦希望作品不會因此受損。」

有消息指SBS可能會封殺高賢廷。(網上圖片)
申成祿早前更新《Return》聚會照。(網上圖片)
朴基雄都有係Instagram上感謝高賢廷請佢食熱狗。(網上圖片)

更多圖片

+2

李陣郁性侵風波後 時隔一年半《Return》做刑警洗底

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/