Wanna One邕聖祐似足延宇英 求漫撕男拍《我的ID是江南美人》

撰文:沈洛嘉
出版:更新:
電視劇《奶酪陷阱》就由朴海鎮和金高銀合拍。(網上圖片)

唔少韓國電視劇都以漫畫翻拍成電視劇,好似朴海鎮、金高銀主演嘅《奶酪陷阱》、朴炯植、朴寶英、志洙主演嘅《大力女子都奉順》、李準基、東方神起成員沈昌珉、李侑菲主演嘅《夜行書生》、南柱赫、申世景、林周煥主演嘅《河伯的新娘2017》,以及李光洙、庭沼珉主演嘅《心裡的聲音》都係翻拍而成。而韓國電視台JTBC近日就韓國漫畫《我的ID是江南美人》為翻拍項目,進行討論當中更指即將會拍成電視劇,而節目組亦就演員選角一事籌備當中。《我的ID是江南美人》其中一個角色就由Wannable(Wanna One粉絲)力推Wanna One成員邕聖祐擔任!

大家又覺得翻拍嘅《奶酪陷阱》好睇嘛?(網上圖片)
都炅錫忍唔住問姜美來係唔係鍾意延宇英?(網上圖片)

漫畫《我的ID是江南美人》自2016年4月8日喺韓國網站Naver連載,喺一套講述女主角姜美來因為外貌問題,姜美來向鍾意嘅人告白9次都被拒絕,其後下定絕心要整容,不過姜美來係整容後內心仍然自卑。《我的ID是江南美人》亦有講述姜美來喺讀大學時同男主角都炅錫以及女配角玄秀兒發生嘅一連串故事。當中姜美來同都炅錫更係中學同學,而都炅錫仲係大學入面唯一一個見過姜美來未整容時外貌嘅人,至於兩人點樣發展成情侶大家就要等下電視劇《我的ID是江南美人》嘅播出,又或者搶先睇漫畫版嘅《我的ID是江南美人》喇!

相信邕聖祐一定可以Carry好延宇英呢個角色。(網上圖片)

除咗3位主要人物姜美來、都炅錫同玄秀兒之外,當中姜美來嘅大學前輩延宇英學長都係大家討論嘅對象,因為有Wannable指現實有人同延宇英長得幾乎100%相似!唔通真係有真真正正嘅「漫撕男」?而呢位「漫撕男」主人公正正就係Wanna One成員邕聖祐啊!邕聖祐嘅輪廓、小臉、男神逗號瀏海都同延宇英十分相似,加上邕聖祐早前都有喺許閣MV《Foolish》、Wanna One《Beautiful》中挑戰過演技,Wannable直呼求邕聖祐要去參加《我的ID是江南美人》嘅Casting!

更多圖片

+4

Wannable捕捉姜丹尼爾@Wanna One又入醫院 照完X光再做物理治療

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/