請回答1997！Apink恩地晒扁咀相 睇完H.O.T《無限挑戰》感動到喊
作為一名K-pop迷真心不得不佩服《無限挑戰》節目組，先策劃《星期六星期六是歌手》（六六歌）呢檔節目，再撮合水晶男孩（SECHSKIES）殷志源、李宰鎮、金在德、姜成勛、張水院、高志溶喺游擊演唱會首度合體，雖然高志溶就並未重返水晶男孩，但兼餘5人就同YG Entertainment簽訂團體約，以水晶男孩名義重啟活動，現今都發展得不錯，又有拍攝團體綜藝節目，更有舉行巡迴演唱會以及粉絲見面會。
其實《無限挑戰》自2015年就已經有同H.O.T 5名成員文熙俊、張佑赫、Tony An、Kangta以及李在元持續溝通，今次《無限挑戰》真正撼動元祖初世代偶像H.O.T，跟水晶男孩不同之處則在於H.O.T是完完整整5人重組一同站上舞台。H.O.T當年只活動大約5年時間就宣佈解散，近年都一直有傳出H.O.T重組嘅消息，但最終都無疾而終，時隔17年H.O.T真真正正5人一同站上舞台，共同表演屬於H.O.T嘅歌！
喺《無限挑戰》六六歌當中，節目組就要求H.O.T唔可以私下聯絡，嚟唔嚟參加重組完全睇個人意願，當Tony An見到H.O.T一條心全人到齊重組時，都忍唔住流下男兒淚。而去到H.O.T輪流打畀中獎粉絲環節，告知粉絲可以出席2月15日MBC夢想中心舉辦特輯舞台，見證H.O.T嘅重組時，當中就有粉絲哽咽講出「真係等咗好耐」，過咗17年咁長時間，當初嘅少女們都已經成為人妻、人母，更有一名中獎粉絲指自己已經懷有第2胎，仲話2月15日當中一定要去參加H.O.T嘅《無限挑戰》六六歌添！
就連喺《請回答1997》熱愛H.O.T成員Tony An嘅成詩媛（Apink恩地飾）都忍唔住喺個人Instagram更新寫下「Tea time，期待六六歌，睇完無限挑戰嚎啕大哭，詩媛啊…」如果《無限挑戰》六六歌可以邀請埋成詩媛上去客串一下就好喇！
更多圖片
H.O.T《Candy》Encore舞台
《吃貨神探》李敏豪專訪Regen讚佢跳舞叻 因ＯＯ同Apink娜恩熟？
下載《香港01》App，更多韓星靚相、影片率先睇！
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/