BTS防彈少年團邊個一手揸機一手拎刀 大膽用剪肉鉸剪剪頭髮？
撰文：沈洛嘉
出版：更新：
究竟防彈少年團入面邊個咁大膽用剪肉鉸剪剪頭髮？（網上圖片）
韓星嘅髮型日新月異，今日黑髮聽日就可以漂到變咗白金色，唔少粉絲都擔心自己偶像頭皮、髮質都會好傷，而且韓星們基本上都會去髮廊或者美容室搵專業髮型師幫忙，因為大家都好明白「髮型就係生命」呢個道理！不過BTS防彈少年團成員Jin似乎就未有擔心過失手問題，所以話靚仔真係大曬…
究竟Jin對於剪頭髮呢個問題有幾急切，等唔到第2日起身去美容室？（影片截圖）
話說尋晚（22日）Jin就係防彈少年團Twitter更新一條短片，主人公當然就係Jin。短片中，Jin一開始就已經手持非剪髮用鉸剪，鉸剪似乎係廚房用剪肉鉸剪，而Jin都有講到因為睇唔清楚前面，所以要剪頭髮！
Jin究竟係驚剪錯定係驚眼髮拮眼？（影片截圖）
Jin仲要一路拍片一路剪，一手揸機一手拎刀，無手輔助穩定頭髮真係好易出事㗎嘛！唔知A.R.M.Y（防彈少年團粉絲）又驚唔驚Jin會失手呢？因為他本人一路剪嗰時都好似有啲驚同擔心咁發出怪叫聲，而真係落刀剪個陣又合埋眼，一個唔小心剪錯咗真係後悔莫及。不過剪完之後Jin就話依家望前面可以睇得好清楚，好好啊！唔知Jin之後仲會唔會去美容室再修剪一下呢？
Jin剪完頭髮睇到前面開心晒！（影片截圖）
更多圖片
+13
Jin剪髮片段
Billboard為BTS整banner出雜誌？ 防彈少年團繼續攻佔全世界
下載《香港01》App，更多韓星靚相、影片率先睇！
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/