【平昌冬奧】金妍兒感慨金牌才是選手 宋仲基看透韓國體壇黑幕?

撰文:
最後更新日期:

李尚花喺個人Instagram表示,「真係辛苦喇,得到第2名都好滿足,到目前為止仍然可以停留喺上圍圈都好開心,留得好美好嘅回憶!」(網上圖片)

2018平昌冬季奧運會仲有2日就完結閉幕,好多項目獎牌都已經名花有主,今年平昌冬奧以「和平」為主題,剛好女子速道滑冰都上演感人一幕,開賽前韓國選手李尚花(音譯)被寄予奪金厚望,可惜最後只以0.39秒之差輸畀日本選手小平奈緒,只奪走銀牌。但就喺李尚花忍唔住當場淚灑之時,小平奈緒馬上送上安慰擁抱,而韓國民眾都有為李尚花歡呼道賀,與此同時前國家隊代表韓國冰上女皇金妍兒過去嘅訪問就備受注目。

金妍兒當年因失誤痛失金牌。(網上圖片)

2010年金妍兒代表韓國出戰溫哥華冬季奧運會勇奪金牌,翌年卻因為失誤喺世界花式滑冰錦標賽輸畀安藤美姬,其後金妍兒喺頒獎台上淚流滿面,眾人誤解認為金妍兒因為失誤感到唔甘心,不過金妍兒喺接受訪問時卻解釋,當時喊係因為準備比賽真係很辛苦,比賽完咗成個都放鬆晒,另外就係有諗過應該無機會再企喺呢個位置上,所以先至會喊。

今日金妍兒仍是代表韓國,作為燃點聖火嘅代表。(視覺中國)

不過之後金妍兒就有講過當時比賽完咗之後,正常會收到好多恭喜訊息,但嗰次喺世界花式滑冰錦標賽時,一句恭喜嘅說話都聽唔到,換嚟嘅係「辛苦喇、唔緊要」等等嘅說話,令到金妍兒覺得好似只有金牌才是選手,即使是拿到銀牌,亦都只是同普通人一樣。

宋仲基忍痛放棄11年間努力奮鬥嘅溜冰夢。(網上圖片)

另外,粉絲都知道喺宋仲基未作為演員出道之前係一名專業溜冰選手,訓練時期更長達11年時間,宋仲基又多次代表韓國參加比賽,但就因為一次腳踝受傷,令他被逼放棄溜冰夢,專注學業。不過如今卻傳出因為宋仲基發現韓國體育界嘅黑暗一面,而且私底下嘅鬥爭非常激烈,就算幾努力都好,只會成為權力鬥爭嘅犧牲者,又選唔入國家隊,毅然放棄溜冰夢,轉身投入演藝界行列。不過宋仲基係演藝界發展得風生水起,放棄溜冰夢亦未算得上係件壞事。

更多圖片

+12
+11
+10

【平昌冬奧】EXO隊長Suho換選手服參賽? Xiumin撐場買62萬紀念品

下載《香港01》App,更多韓星靚相、影片率先睇!

http://bit.ly/HK01_App

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。