《與神同行》 吳達庶被爆曾性侵女演員 受害人：佢伸手入我條褲
撰文：沈洛嘉
出版：更新：
估唔到平時形象唔錯，拍劇又好睇嘅吳達庶都捲入性侵案。（網上圖片）
「＃MeToo」反性侵運動蔓延至韓國娛樂圈，除咗《月之戀人－步步驚心：麗》中趙敏基、韓國Hip Hop歌手Don Milk性侵未成年女粉絲之外，今日更爆出韓國資深演員「吳某」曾經性侵劇團年輕女演員，無耐就被爆出吳某就係非常有名嘅吳達庶，吳達庶曾經出演《盜賊門》、《7號房的禮物》、《暗殺》、《隧道》，以至最近嘅《與神同行》以及《1987：逆權公民》。
吳達庶喺《與神同行》嘅表現都好出色。（網上圖片）
近日就有網民大爆20年前喺釜山小劇場，一名年輕女演員曾遭到吳達庶性侵，又指吳達庶係變態、惡魔、有精神病，該名爆料人士稱遭到性侵後，一直活喺沖擊當中，過去20年仍然過得十分痛苦，一直接受精神科治療，希望咁厚臉皮嘅人可以得到懲罰。
受害人網上自爆被性侵經歷。（網上圖片）
除此之外，另一名被性侵女性喺同一個帖子留言，再爆出吳達庶性侵惡行，指「喺90年初期，同樣喺釜山小劇場，當時我着住短褲，佢突然將手伸入去我褲入面，用手指喺個嗰地方攪動，請大家好好睇清楚，佢只係一個變態性侵犯人。」
直至今日《Cross》曹在顯、《月之戀人－步步驚心：麗》趙敏基、電影《興夫》導演曹根賢、Don Milk以及《與神同行》吳達庶，都係廣為人知嘅有名藝人，相信嚟緊仲會有涉事藝人被爆惡行。（網上圖片）
直到今日下晝，吳達庶所屬經理人公司Starvillage Entertainment終於現身聽韓媒電話回應，據知Starvillage Entertainment一開口就先道歉表示「十分抱歉，有關吳達庶嘅事我哋無話可說」，同時對於吳達庶會否從tvN新劇《我的大叔》下車一事亦無回應，只表示歉意後就匆匆收線，被指默認吳達庶性侵一事。
更多圖片
+8
《與神同行》勁多韓星打醬油 點止EXO？楚江大王同任達華kiss過
下載《香港01》App，更多韓星靚相、影片率先睇！
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/