李昇基《和遊記》抄網絡小說《愛遊記》？ 接受唔到無業界道德
撰文：沈洛嘉
出版：更新：
《和遊記》結局就係李昇基揸車去冥界搵吳漣序。（網上圖片）
tvN人氣韓劇《和遊記》上星期六、日已經播出大結局，雖然三藏吳漣序被姜大成（宋鍾鎬飾）用刀刺死，但齊天大聖孫悟空李昇基就畀咗自己一隻金晴火眼吳漣序，等吳漣序再轉世投胎做人都可以搵返佢。雖然《和遊記》最尾就講到李昇基忍唔住都係要去冥界搵吳漣序，但就無咗交代兩人嘅後續。
網絡小說《愛遊記》作者鄭恩淑爆《和遊記》抄橋！（網上圖片）
今日網絡小說《愛遊記》作者鄭恩淑（音譯）大爆《和遊記》編劇洪氏姊妹涉及抄襲疑雲。鄭恩淑今日喺自己網站上傳有關《愛遊記》同《和遊記》嘅相似之處，更指「據我所知，喺我哋國家嘅著作權法上，特定嘅指紋或台詞並唔一致嘅話好難被視為抄襲。但就算係咁就可以隨便搬字過字，當成自己嘅作品咩？雖然唔知可唔可以避開法網，但對於作家嘅自尊心、業界嘅道德等等，都唔可以咁做。」
除咗人物設定外，鄭恩淑指出阿斯女嘅附身、天界以及筋斗雲（同以車代替）都係一樣！（網上圖片）
據知《愛遊記》喺2015年刊登嘅網絡小說，三藏係女人、孫悟空、豬八戒、沙悟淨係韓國嘅妖精偶像，後來三藏轉世同孫悟空相愛。《愛遊記》同《和遊記》嘅男主人公都係唔啱心意嘅話，就連女人都會打埋一份。仲有《愛遊記》中都有妖精經理人公司社長登場，而喺《和遊記》當中就由車勝元出任牛魔王一角，望理Lucifer經理人公司等，兩者都有相似共同點。不過《和遊記》編劇洪氏姊妹就否認指控，更稱從未聽過《愛遊記》呢部網絡小說，劇迷們又點睇呢？
更多圖片
+38
《和遊記》大結局李昇基解除金剛圈 同吳漣序走向Happy Ending？
下載《香港01》App，更多韓星靚相、影片率先睇！
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/