宗泫@CNBLUE香港倒數迎春節 江若琳學唱《Love Light》送驚喜
撰文：鄧樂宜
出版：更新：
年三十晚，不但香港人齊齊與家人食團年飯，連來自韓國的CNBLUE成員李宗泫，都飛到香港出席旺角新世紀廣場的「MOKO紅星倒數迎雞年」活動，與粉絲倒數迎接農曆新年！
攝︰符祥定
宗泫表示如果有機會的話會想唱出廣東歌，對於拍戲亦有興趣，酷男或者暖男都想演！（符祥定攝）
宗泫教江若琳彈結他要分開腳企，不過若琳今日這身打扮有難度！（符祥定攝）
李宗泫晚上11時後來到會場，一出場就用純正廣東話對粉絲說︰「大家好，我係李宗泫，好掛住大家！」又祝大家新年快樂，引來全場歡呼！不過宗泫學識的廣東話又點止咁少？他與粉絲和同場嘉賓Super Girls玩遊戲時，就用廣東話講出鬍鬚、紅袍、揮春、咯咯雞等詞語，雖然講到半鹹半淡，鬍鬚講到變「烏首」，但粉絲依然完全聽得明！期間宗泫不斷望實兩位穿上財神打扮的粉絲讚「好靚」，認真識冧粉絲！而當兩位女粉絲玩遊戲踩氣球的時候，宗泫就「隔岸觀火」看到七情上面，還用廣東話說︰「唔好打交！」十分搞笑！
主持問到平時最愛聽甚麼歌時，全場粉絲齊心嗌CNBLUE，宗泫亦笑着表示最愛自己樂隊的歌。（符祥定攝）
宗泫和Super Girls四位成員舉揮春合照。（符祥定攝）
身為CNBLUE結他手的宗泫，平時拿着結他的帥氣樣子大家就見得多，不過今次來到香港，宗泫就展示唱功為粉絲獻唱兩首CNBLUE名曲《Blind Love》和《Love Light》，全場粉絲即使和他大合唱！驚喜的是，同為嘉賓的、久未出碟的江若琳，就拿起結他為宗泫獻唱一小節的《Love Light》，她自言時間所限只練了兩天，雖然韓文發音未盡完美，不過宗泫已經收貨，高興地與她握手並說︰「好驚喜！就像收到禮物一樣！」
宗泫與江若琳帶着粉絲鬥快入利是，不過宗泫出貓用兩隻手，十分可愛！（符祥定攝）
宗泫親自餵玩遊戲勝出的粉絲食糖蓮藕，甜到入心！（符祥定攝）
Oppa這晚獻唱兩首CNBLUE的歌曲，粉絲熱情跟住唱。（符祥定攝）
今次是宗泫第一次來香港，收到粉絲的熱情和若琳的驚喜，相信今個新年過得十分滿足！年三十晚來港工作的宗泫，受訪時就透露早前已經回過老家釜山一趟見爸爸，今日即使人在異鄉，但能夠同粉絲過一樣開心！問到新年願望，宗泫就表示想盡快來港開騷見粉絲，到時記住帶埋CNBLUE成員一齊喇！