串流音樂app都有分地域 到底邊個最齊歌又最靚聲?

撰文:
最後更新日期:

返工返學搭車時間流流長,相信好多人都會戴起耳筒聽歌,好多人為求方便都會選擇用串流音樂app,上一篇報道同大家以價錢角度出發(傳送門),比較過各個聽歌app,包括:JOOX、MOOV、KKBOX、Spotify及Apple Music,今次將會介紹各個app的歌曲種類及音質。

歌曲格式

現時普遍串流音樂平台都是提供AAC格式的音樂檔案,其實對一般用家來講已經好夠做,基本啲聲都唔會矇查查一嚿嘢咁;不過,當然有部份高要求用家,可能用上數千甚至過萬元的Hi Fi希望聽到更細緻的聲音。正所謂「百貨應百客」,即看以下比較。

JOOX: 最高支援256kbps AAC
MOOV:最高支援1411 FLAC
KKBOX: 最高支援320kbps AAC
Spotify: 最高支援320kbps AAC
Apple Music:最高支援256kbps AAC

單從上述數據來看,MOOV會提供FLAC(即無損檔案),是各個串流音樂app中音質最好,不過如果並非離線收聽,用家們記得留意數據流量,因為FLAC格式的歌動輒都數十mb一首。

大家可以選擇不同音質,不過要留意數據流量。(一切價錢及條款以各音樂平台官網為準,以下圖片為出稿前熒幕截圖)

歌曲資料庫

人人聽歌口味都唔同,坦白講有人會認為唔係每個串流音樂app都齊歌,所以就要視乎你聽開咩歌,再去選擇一個相對地多歌啱你聽嘅串流音樂app去用。

JOOX:主打本地及華語歌,另有Live、藝人訪問及特色節目重溫
MOOV:主打本地及華語歌,另有獨家的演唱會片段重溫
KKBOX: 官網寫有約4千萬首歌曲,主打華語歌市場,設有演唱會、直播重溫
Spotify:主打歐美市場,有愈3千萬首歌曲
Apple Music:官網寫有約4千萬首歌曲

每個app的資料庫都各有不同,不能單純以數量一概而論,各位課金前記得參閱清楚哪個串流音樂app有最多你想聽嘅歌。另外,每個app都有各自的獨家內容,如果大家聽歌之餘想了解多啲歌手周邊資訊,可能了解一下每個app有甚麼節目,例如:JOOX正推出《Metal成熟時》節目,又會邀請不同artist如:Kolor、Nowhere Boys等單位開Live,感覺上與用戶互動較多。另外,MOOV的用戶又可以重溫以往大大小小的MOOV Live,高清畫面配靚聲,即使未能親身睇Live都有高質重溫。

大家可以因應每個app嘅特色內容去決定join邊個(一切價錢及條款以各音樂平台官網為準,以下圖片為出稿前熒幕截圖)
+2

睇完上述比較,相信大家對join邊個plan都心裏有數,不過都唔好一味只顧個app俾到幾靚嘅source你,都要考慮搵番條有番咁上下質素嘅耳機配合。如果你仲係用緊條原廠跟機耳機,俾個無損檔你聽都係一樣鬆郁矇,可能連人聲都未必聽得清楚,更莫講編曲、樂器分配等等嘅細節位。唔係要鼓吹大家盲目追音響,不過有條有質素嘅耳機可以令你聽每首歌更有樂趣,簡單啲講,就同配一副啱度數嘅眼鏡一樣。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。