【Clockenflap】外國樂迷都識Supper Moment 幾時開世界巡唱先?

撰文:
最後更新日期:

一年一度的Clockenflap音樂節再度在港舉行,由2008年至今已經到第十屆,今天作為結幕日,當然要有不同的重量級嘉賓。在主舞台方面,今日除了有宇宙人、POND、Massive Attack等來自不同地方的樂隊外,更有本地薑Supper Moment在黃金時段晚上7點15分唱到8點。台前不單被本地樂迷逼爆,連外國樂迷及圈中音樂人也在台下一齊跳一齊叫。

Supper Moment未見人,台下嘅樂迷已經嗌到拆天。 (黃浩晉攝)

Supper Moment上台打頭陣便唱出今年的冠軍派台歌《靈感床》,緊接還有《飛》、《機械人》及《一樣不一樣》等。而今次Supper Moment更特意為樂迷帶來新歌,不要誤會,我不是在說《大丈夫》,而是在今次音樂會當中才首度獻唱的《不要死在崇拜裡》,令樂迷相當滿足。事隔6年再踏Clockenflap舞台,Supper Moment識做唱出首本名曲,《無盡》及《世界變了樣》點會走得甩。

有外國情侶一齊欣賞Supper Moment演出,相當浪漫。 (黃浩晉攝)

唔少外國樂迷同圈中音樂人都好撐場!
+10
+9
+8

音樂節的氛圍讓人不自覺「開盡Turbo」,Sunny一出場已經進入狀態在台上又跑又跳,更唔錫身「插水」跳入觀眾席,樂迷亦蜂擁而上抬起Sunny,頓時炒熱全場氣氛。返回台上Sunny又舞動印有Supper Moment標誌的旗幟,相當有氣勢。

整節演出盡無冷場,唱《無盡》時,Sunny拿起結他響起一個和弦,台下樂迷自動波跟住大合唱,不用任何伴奏下樂迷唱足近半首,氣氛相當好;到末段毋須Sunny帶領都舉起「招牌手勢」,台上台下融為一體。最後Supper Moment以《說再見了吧》為演出劃上完美句號,樂迷不捨大嗌Encore,留守在台下。

台下樂迷舉起晒手,氣氛超好! (黃浩晉攝)

Sunny肉緊到青筋都現埋。 (黃浩晉攝)

Supper Moment在後台接受訪問時表示,今次演出是史無前例地將整個自己的整作團隊搬到舞台,而且以參與外國音樂節的心態演出:「雖然今次係香港嘅音樂節,但係我哋嘅心態係當玩緊外國festival,好開心見到外國嘅觀眾都好投入。當我講到『我嘗試緊去講英文,希望外國嘅觀眾都嘗試去學廣東話,加深大家嘅了解』,有個外國觀眾好大力點頭,呢個畫面真係好感動,因為音樂就係咁,大家都Respect!」Sunny補充話:「我哋落番台嗰陣搞手Justin同我哋講『We Made History』,雖然好簡單一句,但係好有力,真係非常開心!」

Supper Moment每個人都開恆Turbo呀!(黃浩晉攝)

Supper Moment出盡力演出!(黃浩晉攝)
+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。