容祖兒做側田頭場嘉賓　Joey：如果我開唱片公司第一個簽佢

一連兩場側田《Chapter Free演唱會2017》香港站昨夜於紅館展開。第一部份側田為樂迷帶來充滿回憶的早期作品，演唱會踏入第二部份，氣氛變得相對沉重。側田表示:「第二部份係講我音樂嘅迷失期，當時寫好多歌都係為咗迎合市場，但原來我錯咗，寫歌係應該隨心。所以我有3年時間搬咗去北京沉澱吓。」在這部份，側田帶來不同風格、不同時期的歌曲，包括《Heads Up Phone Down》、《拜託我不寂寞》、《情永落》、《天空之城》等作品，一系列新歌的好拍檔Dough Boy也有現身合唱。

演唱會第三部份，側田選擇了一系列自己與樂迷也相當喜歡的作品。首先他在舞台上的紅地毯慢步再出場，唱出《命硬》，同樣與12年前的版本有所不同，編曲上比以前豪華豐富得多，與樂隊的互動也更強，而樂迷也一起合唱出這首「年代回憶」。隨後更有不少滄海遺珠，如《運》、《很想很想說再見》等。而這個部份的爵士味亦相當濃，《B.O.K.》、《紅地毯》、《爽》，在搖擺的節奏下，讓全場觀眾也熱鬧起來。連帶其後唱出慢歌《不經不覺》及《男人KTV》時，樂迷氣氛仍然相當高漲。

正當大家以為演唱會完結，大叫Encore時，側田再次與Dancers現身台上，唱出連串快歌Medley，包括《眼睛想旅行》、《See You Again》、《煞科》、《心急人上》、《你唔愛我啦》、《越唱越強》等。原來一系列medley也是舖排嘉賓出場，唱到《越唱越強》時，Joey容祖兒從台下升起，與側田一起邊跳邊唱。Joey笑問:「側田，其實我同你都唔算好熟啫，飯都未食過，點解你會邀請我做嘉賓呢?」面對如此直白的問題，側田先是一呆再答:「其實Joey係我嘅女神嚟，佢係呢個圈中最貼地、最Kind嘅歌手，我以前有將佢嘅Poster貼喺張床嘅天花板，一擘大眼就見到佢。」Joey立刻嗆他:「最Kind定最Kai呀?」令全場捧腹大笑。Joey續道:「又講吓點解我會肯嚟側田嘅演唱會做嘉賓。好簡單，假設啦，如果有一日我有機會開一間唱片公司，側田一定會係我第一個要簽嘅歌手。其實簽側田好抵㗎!除咗唱歌好聽，又鐘意跳舞，作曲又叻，仲可以唱埋和音，我出騷都慳好多啦!」

二人更合唱了一首容祖兒的名曲，側田表示:「本身我唔係想唱呢首，不過我見網上嘅投票呢首係最高，所以揀咗呢首。其實《心淡》先係我最愛。」而這首人氣之選，便是《十六號人》，側田以女聲的原Key唱出，並在副歌與祖兒和唱，展示超誇張音域。