E-kids新神曲《終止戀愛》 延續15年情懷:變成一個比較慘嘅故事

撰文:
最後更新日期:

E-kids自從在樂壇消失一段時間,再出現時已被標籤為騎呢組合、MK Pop始祖。比起關注音樂,樂迷更樂於留意他們有什麼笑料供大家批判。而E-kids三人也深明這個道理,在這個圈子裡,寧願被謾罵也不願被無視,所以再次現身樂壇後,他們大玩騎呢歌路,引起樂迷注意。不過打從心底想做好音樂的E-kids,亦不甘只做娛樂大眾的角色,襯著下年2月開騷前,認認真真推出一首新作《終止戀愛》,為的是給自己與樂迷一個交代。

E-kids終於出《開始戀愛》嘅延續篇!

《開始戀愛》延續篇

《終止戀愛》是E-kids今年第三首新歌,曲式終於回歸大路的港式情歌,副歌部份響起「何事我會妒忌 我會擔心魔鬼搶走你」,15年前E-kids的經典歌詞重現在新歌當中,由年輕的小甜蜜變成今日飽經風霜的苦澀,仿佛也訴說了E-kids變成E-Men的故事。

有關《終止戀愛》,E-kids表示原來有個故事:「點解我哋會將呢首歌放喺年尾,因為我哋非常重視出慢歌呢一件事。《開始戀愛》呢首歌可以話令我哋三個一路留喺大家嘅印象當中,呢十年八年我哋無唱歌、無做音樂,但仍然會聽到唔同嘅聲音話『呢首歌好好聽呀、好有故事』。我哋就諗如果要再做一首屬於E-kids嘅歌,一定要將呢個故事延續落去。當然十幾年之後,可能會有人覺得好幸福,但絕大部份時候,puppy love嘅結尾都係一個sad story,所以我哋將佢變成一個比較慘嘅故事。」

作為被千禧年代K歌養大的樂迷,聽到這兩句歌詞,可說是百般滋味在心頭,原來我們和E-kids一樣,長大了,不能再桀驁不馴,換之而來,其實我們也學會了「踩唔死我」的精神。

「何事我會妒忌 我會擔心魔鬼搶走你」,嘩呢句歌詞聽到都打冷震。

「踩唔死我」精神

在E-kids未正式重組前,Tommy曾以一個騎呢形象重新出現在樂迷眼前,當然他二創G-Dragon的《Crayon》變成《踩唔死我》,被網民瘋狂恥笑,自此,「踩唔死我」像是成為了他的代號。

不過一語成讖,原來這個世界「有踩未為輸」,大家越用力踐踏,E-kids越堅持自己理念。雖然之前推出兩首快歌,風評也是一般,不過Tommy表示也是預算之內:「有人話唔知唱緊乜,又有人話個MV拍得差。不過對我哋嚟講,如果E-kids復出又係做返《初哥》《第一個唱》呢啲快歌,其實好容易,但係我哋唔想。因為我哋想大家見到E-kids出返嚟,會有新嘢帶比大家,雖然每樣新嘢都要時間比大家接受。尤其喺香港做快歌,基本上都係掉錢落海,快歌除咗聽,其實一定要睇埋演出,但香港又冇乜平台可以比我哋表演。面對呢啲問題,E-kids都係要做快歌,因為我哋始終係跳舞組合,如果下下都係做『魚蛋歌』、『K歌』,咁香港仲邊有人去做快歌?」

唔少人提起E-kids,仍然會覺得佢哋係騎呢。

除咗香港市場,最近E-kids已積極向日本發展。

樂壇欠E-kids一個交代?

有樂迷在《終止戀愛》面世後,感嘆之前走漏眼,更問道:「點解唔早啲出呢首?年尾頒獎禮有機會分一杯羮。」Tommy坦言:「我哋一向唔敢諗呢樣嘢,因為以前諗得太多,亦失望過太多次。某啲電台從來都唔會播我哋嘅歌,亦從來唔會邀請我哋出席頒獎禮,加上而家嘅頒獎禮都無認受性啦!所以我哋而家做好每首歌,大家感受到就好。」

至於《開始戀愛》及《終止戀愛》的上下集故事,除了在MV的呈現外,到底還有什麼手法引起樂迷共鳴,似乎便要到E-kids下年2月的麥花臣個唱才能知曉。反而在個唱前,E-kids已密鑼緊鼓準備進軍日本出EP,難怪今年幾首歌也是由日本的音樂單位進行編曲,唔知道佢哋嘅風格,日本又受唔受落呢?



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。