【十大中文金曲】菊梓喬獲「最佳進步銀獎」:覺得自己係有價值!

撰文:
最後更新日期:

由香港電台主辦的「第四十屆十大中文金曲」賽果今日出爐,同時亦成為今年第一張樂壇成積表,有別於以往新城電台為先。較早前已頒發「十大中文金曲」,詳情請點撃以下連結:

傳送門:

【十大中文金曲】今午頒發樂壇第一張成績表 李克勤成得獎第一人

3位全年最佳進步獎得獎者(左起:金獎鍾舒漫、銀獎Hana菊梓喬、銅獎林欣彤)。(陳順禎攝)

至於今年的「全年最佳進步獎」得主分別由林欣彤(銅)、菊梓喬(銀)及鍾舒漫(金)奪得。銀獎得主菊梓喬(Hana)接受《香港01》訪問時表示:「我上年出道,能夠出道做歌手已經對我嘅人生有好大轉變。音樂就係我生存嘅意義,過去十幾年我一直努力,做自己喜歡嘅音樂,但過去一直都唔成功。直到上一年正式成為新人(歌手)。做完新人,短短半年時間就加入星夢娛樂,公司老闆Herman(何哲圖)好信任我,好相信我。令我由一個好無自信嘅人覺得自己係有價值。今年由1月開始出第一首派台歌《一輩子守候》,直至依家原來已經12月,喺呢段時間我遇到好多首好歌,首首都好好聽,好似為我度身訂造。所以我想講,『星夢娛樂』、仲有『創富文化』呢兩間公司真係放咗好多心機喺我身上,我真係好多謝公司每一位,多謝佢哋相信我,更重要係佢哋令我都相信我自己。」

菊梓喬得獎後感謝公司(星夢)給予機會。(陳順禎攝)

問到近年多唱劇集主題曲的Hana,來年會否像師兄胡鴻鈞一樣拍劇,Hana坦言她不能勝任:「最大原因我身體好差,拍劇係一樣非常辛苦嘅事。雖然我唔怕辛苦,但係我真係會成日病,會病到起唔到身。近兩個月我已經開始睇中醫調理身子,仲有開始做多啲運動,希望可以有一個強健嘅體魄,因為我今年真係病咗好多次,入咗幾次醫院。上次喺馬來西亞出席一個頒獎禮,我出場之前食物中毒,最後仲上唔到台入醫院。新一年都係想健康第一,工作第二。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。