【萬千星輝】石敢當大熱!胡鴻鈞《到此一遊》奪最受歡迎劇集歌 

撰文:
最後更新日期:

TVB萬千星輝頒獎典禮今晚舉行,相信大家都睇過紅地氈衣香鬢影,大部份女藝員都盡地一鋪性感示人,即使冇獎攞都「輸人唔輸陣」。各個獎項今晚都陸續出爐,未知大家有冇tip中心水藝員呢?除了演藝獎項,今年的劇集歌獎都是焦點之一,因為今屆有41首劇集歌入選,到底係《到此一遊》、《遙不可及》、《我不會撤嬌》、《一輩子守候》呢幾首都可以話係大熱,你又tip邊首呢?

有成41首歌入選呀!一click睇晒整個入圍名單啦!

《四葉草》元祖成員出場頒獎,台上播出「照妖鏡」,黎諾懿、唐詩詠、姚子羚及李逸朗當年青澀的模樣盡現大家眼前。四人嬉笑一輪之後由李逸朗頒獎,結果眾望所歸,由胡鴻鈞憑《降魔的》主題曲《到此一遊》大熱得獎。

胡鴻鈞一上台個個都高呼「石敢當」,他得到得獎時非常冷靜說:「原來真係會好緊張,我由細到大都係喺電視機前面聽劇集歌。我入加比賽冇耐就有機會唱劇集歌,知道一切都唔係必然,好感恩!」多謝完台前幕後各位工作人員後,他現場唱出半首《到此一遊》,表現交足水準,沒有因緊張心情而影響表現。

胡鴻鈞憑《到此一遊》大熱得獎。(節目截圖)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。