胡琳五月開九展Jazz Concert 出道12年笑言自己逆向生長

撰文:
最後更新日期:

爵士天后胡琳今日在尖沙咀六公館舉行《Shining Moment 2018》演唱會發布會,寒風刺骨,但Bianca仍身穿露肩長裙現身,仙氣十足。

女人根本天生就係西伯利亞人,今日天氣咁凍,Bianca仍然身穿露肩裝現身,認真專業。 (陳順禎攝)

今次演唱會將於5月26、27日九展Star Hall舉行,以「蛻變」為題,更邀請了美國的爵士班底New York Jazz Cats來港演出。出道12年,胡琳笑說自己最大的變化是眼見從以前的成熟形象變成現時的「BB樣」,逆齡的感覺非常神奇。

Bianca話出道到而家,最神奇係睇住自己由以前嘅成熟形象,變成而家嘅BB樣。 (陳順禎攝)

不過今次除咗開演唱會高興,今日Bianca都可以記係滿載而歸。除咗從家燕姐、陳欣健、陶傑、劉家豪、梅小青等前輩身上得到唔少鼓勵說話外,更有鄭丹瑞手中接過「天籟歌后」嘅牌匾,又有Audi做演唱會Title Sponsor,仲有鮑魚收,未到新年已經又食又拎。

今日好多前輩好友撐場,不過最開心就梗係從旦哥手上接到呢個「天籟歌后」嘅牌匾啦! (陳順禎攝)

+4
+3
+2

繼早幾年前在演藝學院和香港文化中心演出。今次胡琳首次把舞台帶到九展Star Hall,眾所周知,在Theatre聽Jazz,聲音的質感多多少少會跟演唱會場地有所不同,這對胡琳來說又會否成為一個關鍵的問題? 接受《香港01》訪問時,她坦言:「其實我好鍾意演藝嘅場地,因為佢為好多音樂劇、舞台劇提供咗好頂尖嘅器材,不論燈光同音響。不過今次想多啲樂迷可以參與,所以選擇咗Star Hall。其實之前嘅Concert除咗爵士音樂,我哋都放咗好多流行性多啲嘅元素落去,今次都一樣。唯一擔心就係場地大咗,可能會冇咗同觀眾間親密嘅感覺,我一路都有同製作團隊商量,點樣令聲音上繼續保持到親密感,尤其要關顧埋二樓嘅觀眾,希望到時做出嚟可以帶出pop jazz同觀眾可以好close嘅主題。」

Bianca表示,今次在Star Hall舉行演唱會,最大挑戰是要跟樂迷保持親密感。 (陳順禎攝)

臨近新年,問到Bianca會否為演唱會而刻意少食賀年食品,她笑言:「今年要同屋企人一齊過,所以無可能Keep Fit,阿媽一定會監實我食好多嘢,為咗我表現出我係一個好健康又肥又白嘅孩子,我要喺佢面前搏命刨飯。最緊要新年令屋企人開心,其他嘢之後再諗。」

Bianca笑言新年應該無乜機會Keep Fit,因為媽媽一定會監住佢食飯。 (陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。