古巨基金曲acappella串燒 男女混唱一定要學起來!

撰文:
最後更新日期:

一連五場嘅古巨基紅館演唱會即將於今晚舉行,深信近期大家都已經畀古Sir嘅歌曲洗晒腦。古Sir玩串燒歌一向都有一手,不過都係改其他人嘅歌居多。近日SiS樂印姊妹聯同acappella組合O’blue,以古Sir嘅金曲作主題,以無伴奏合唱形式唱出串燒medley。

一般人可能都會認為,串燒medley只係一首接一首咁唱落去,聽得多感覺會有啲單調。不過今次SiS X O’blue嘅古Sir medley,就使用咗多聲部嘅唱法,將古Sir唔同嘅金曲疊住分男女聲一齊唱。唔聽都唔覺,原來古Sir唔同嘅歌曲放埋一齊時,竟然意想不到地合得來。雖然早年古巨基與容祖兒合唱的《狂串樂基兒》尾段也有類似的做法,不過樂迷聽到那一段通常也會感到意猶未盡。今次的acappella串燒,把古Sir的《必殺技》、《愛與誠》、《重復犯錯》、《眼睛不能沒眼淚》、《任天堂流淚》、《天才與白痴》、《傷追人》、《大雄》、《愛得太遲》串連在一起,真係聽完都即刻想唱K!

用古Sir嘅金曲嚟做acapella串燒,真係別有一番風味! (影片擷圖)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。