許冠傑譚詠麟8月再開紅館騷:如果反應熱烈我哋幾多場都加

撰文:
最後更新日期:

「歌神」許冠傑與「校長」譚詠麟是香港樂壇的傳奇人物,去年8月二人破天荒首度合作,舉行了一連12場《阿Sam & 阿Tam Happy Together》演唱會,相信有入場的樂迷都對他們的體力為之讚嘆。歌神與校長去年一完騷就覺得「唔夠喉」,揚言要開Part 2。今日(17日)開記者會,落實8月再開紅館騷,名為《阿Sam & 阿Tam Happy Together Part II金曲速遞》。

歌神同校長今日出席演唱會,唱出三首經典金曲。

歌神與校長一身速遞員服裝出席記者會,並唱出《世事如棋》、《Things We Said Today》及《朋友》,校長希望全世界有華人嘅地方,都飛會返嚟睇騷。他續說:「上次Sam哥攞出嚟嘅歌都未夠三份一,所以今次真係『金曲開倉』,唱埋淨番個三份二!」

被問到上次開騷群情洶湧,咁今次會唔會考慮加場?校長就話:「最好唔加日場,阻住阿Sam湊孫嘛!」不過歌神就話:「唔怕唔怕,最緊要好玩!如果觀眾反應熱烈,我哋幾多場都加!」

歌神話,如果觀眾反應熱烈,幾多場都會加。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。