【唔編唔聽】Supper Moment編曲雞精班 逐粒音拆解《橙海》

撰文:
最後更新日期:

一首流行歌由創作到推出,分四個主要部份:曲、詞、編、監,一般大家只記得旋律和歌詞,因相對顯淺易明,惟編曲很少被談及,其實它是一首歌的「脊柱」,平凡的旋律會因高質的編曲而化腐朽為神奇,反之亦然。

「編曲」一詞或許會嚇怕你,因為當中涉及範圍廣:樂器選材、演奏手法、音諧和弦等等,無所不及。

不用擔心,《01音樂》全新登場的「唔編唔聽」系列邀請本地不同樂隊,為大家抽絲剝繭,影像聲音同步話你知,一首歌編曲值得留心細聽的部份,令你全面聽「足」一首歌,頭炮嘉賓有Supper Moment一連四集為你解構新碟主打歌《橙海》編曲!

攝影:鄧倩螢

《橙海》一曲收錄於Supper Moment最新大碟《dal segno》之中,是一首感覺較Chill的作品,包含一些電子、Urban元素。編曲上每件樂器沒有複雜的堆砌,營造廣闊的空間讓樂迷投入歌曲之中,而非要「塞滿」聽眾耳朵。

主音Sunny將會話你知《橙海》當中,木結他與人聲值得留意的細節。

Supper Moment新碟《dal segno》夠破格 錄起開心過中六合彩? 

《唔編唔聽》頭炮有Supper Moment主音Sunny同你講《橙海》編曲。(鄧倩螢攝)

《橙海》咁Chill因為Jason Mraz?

《橙海》希望為聽眾呈現一個廣闊的世界觀,Supper Moment在樂器選材方面有一個小心思,由前奏到Verse 1再到Chorus 1,電結他、Bass、鼓、電子鼓統統出齊,拼湊成一個多姿多采的畫面;到Verse 2卻突然靜下來,由一把尼龍結他擔當主角,彈着跳躍的節奏。Sunny解釋:「到Verse 2樂器選材有個180度轉變,由好多電結他track,變成突然有支尼龍結他走出嚟,想透過呢個轉變同大家有個環遊世界嘅感覺。」

*留意歌曲02:09-02:29

《Live High》與泰國遊帶來靈感

Sunny用這把尼龍結他彈着Groovy的節奏,靈感來自Jason Mraz,他說:「年頭去泰國旅行嗰陣,成日有一個尼龍結他嘅聲音喺我腦海出現,而且喺街都成日播。同埋我好鍾意Jason Mraz嘅《Live High》,覺得個感覺好Chill,所以將入面其中一個拍子變成《橙海》Verse 2尼龍結他部份嘅節奏。」

Sunny當然不會搬字過紙地複製這個節奏,如影片所示,他彈奏每個和弦之間有一句單音樂句(lick)相隔,令整個感覺更輕盈,律動感更強。

粒音「扭一扭」 Chill上加Chill

如果大家有留意《橙海》的副歌,每句中文歌詞之間都有一句「You could see what you gonna be」相隔,Sunny表示希望透過用這句ad -lib填補旋律的空白位置。最初是「直去」的「you could see , you could see」,及後一位朋友覺得將「see」的音符扭一扭感覺更好,這意見亦套用到出街版的《橙海》之中。

*留意歌曲2:49-3:09

想Chill啲有好多方法,扭一扭粒音亦得,得咗!(鄧倩螢攝)

加強Reverb Vocal變「濕」了

上文提到,《橙海》想營造一個廣闊的世界觀,現場演出時要做到這個感覺當然要花點心機。Sunny表示經常要與現場的Sound Engineer溝通:「我哋Sound Engineer阿傑會喺現場落好多Reverb(回響聲效),令我把聲「濕」啲。有次出Live我比較用力去唱個高音,佢畀咗意見我,如果太用力唱個Reverb幫唔到啲咩。」

他續說:「所以我之後出Live唱《橙海》,粒音喺鼻腔吊住就算,唔需要去投射出去,成件事個感就會『化』好多。」

出Live唱《橙海》令Sunny學識「收力」。(鄧倩螢攝)

聽完Sunny講《橙海》入面人聲同木結他部份,相信大家都會「聽得多咗」。不過係唔夠㗎,記得埋之後3集,了解埋電結他、Bass同鼓落咗咩功夫喇!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。