【唔編唔聽】《橙海》爭啲變80年代老套歌? 結他手阿雞一招拆掂

撰文:
最後更新日期:

《唔編唔聽》繼續有Supper Moment為大家講解《橙海》的編曲,上一集聽完主音Sunny講解木結他與人聲部份,相信大家開始對《橙海》有多一點了解。

今集有結他手阿雞講解電結他部份,到底貫穿整首歌的樂句是如何誕生,為何電結他能夠造出充滿空間感的聲音?阿雞一次過講你知!

攝影:鄧倩螢

Supper Moment結他手阿雞素來有「電子雞」的外號,這與「他媽哥池」無關,而是因為他對器材的執着,為了造好一首歌,由結他選用、Effect(效果器)攞聲、樂句鋪排等等全都一絲不苟。驟耳聽以為普通的電結他聲,背後統統鐘是不同效果器「左溝右溝」而成。

快啲拉落去睇下阿雞示範同點講啦!

出騷用PRS結他,錄音轉用Gretsch

心水清的樂迷都會留意到,平日阿雞出騷愛用PRS結他,不同型號不同顏色最起碼都有三、四把,不過片中他卻拿着一把Gretsch的White Falcon。有別於他常用的PRS,這把Gretsch的琴身是Full Hollow(全空心),而非Solid Body(實心)。

心水清的樂迷都會留意到,平時阿雞出騷鍾意用PRS結他。

點擊重溫Sunny講解《橙海》的木結他與人聲部份:

【唔編唔聽】Supper Moment編曲雞精班 逐粒音拆解《橙海》

阿雞透露這把Gretsch包辦了新碟《dal segno》大部份歌曲的「清聲」部份,包括《靈感床》、《橙海》等等。他解釋,這把結他清聲除了做到清晰通透外,還多了一份深度,有很好多acoustic(原音)聲音。但這把Gretsch也有缺點,就是Single Cut(單缺角)的設計,要彈高把位(12格以後的位置)十分吃力。不過錄出嚟好聲就得啦!

錄《橙海》嘅時候,阿雞放低慣用嘅PRS,改用Gretsch White Falcon,因為鍾意嗰度有深度嘅清聲。(鄧倩螢攝)

Chorus呢隻Effect好恐怖!

有接觸結他的讀者都知道,電結他能夠透過不同Effect(效果器)改變音色;如果沒有接觸結他的讀者,可將Effect理解為烹飪時用到的調味料。試想像,你煮餸時狂加雞粉,後果一定不堪設想。

「電子雞」出手喇!圖中的Eventide H9就是錄《橙海》時用到的Chorus effect。(鄧倩螢攝)

點先做到Old School得嚟又唔可以太老套嘅聲呢?(鄧倩螢攝)

《橙海》中的電結他音色營造出廣闊的空間感,當中加入了Chorus(和聲效果),但阿雞形容:「Chorus呢個effect好恐怖,一多就會好老套!」雖然Supper Moment本身希望《橙海》有80年代的感覺,但也不能太老套。所以阿雞花了很多時間去尋找適合的Chorus,最後發現Evenetide H9當中的H949非常適合,造出「Old School得嚟又唔會太老套」的聲音。

所以話,「電子雞」的稱號並不是浪得虛名。

《橙海》本身唔係咁彈㗎!

談到《橙海》的電結他部份,阿雞透露本身個彈法「冇咁Chill」,是用手指撥弦,和弦之間沒甚麼裝飾音;將近進入錄音時,監製Adrian Chan覺得首歌可以「再Un」啲,給予一些例子讓阿雞參考,最後變成出街版大家聽到的彈法。片中所示,大家見到阿雞改用Pick(撥片)彈奏,加入切音、Hammer On、Pull Off彈奏裝飾音等技巧,使整首歌的律動感更強。

聽完監製意見,阿雞將《橙海》電結他部份變得「再Un啲」。(鄧倩螢攝)

除此以外,《橙海》有一句非常突出,簡單而重覆地貫穿全曲的樂句(留意歌曲01:04-01:20),原來是神來之筆,阿雞說:「呢句嘢真係Jam嗰時覺得幾好,又適合可以不斷重覆貫穿首歌,Jam嗰陣其實冇乜點諗。」他又提到這首歌的結他編曲傾向比較簡單,着重節奏編排的一首歌,所以不會用上很複雜的樂句。

大家聽完阿雞講解係咪又明多咗多啲嘢呢!(鄧倩螢攝)

聽完阿雞介紹《橙海》入面電結他嘅編曲,記得留意埋聽日嗰集,有Bass手CK講下點樣度一段「啱數」嘅Bass Line㗎!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。