農夫出道初期原來連錄音室都冇 陸永：當時做歌都比較家庭式
撰文：彭嘉彬
出版：更新：
農夫今年踏入十八歲，即將於十一月舉行演唱會慶生。為了隆重其事，更於網上推出一系列的「農夫紀錄片」，講述農夫由組成至今發生過的種種小事。可能忠實樂迷才會知道，其實農夫組成的最初期除了陸永C君二人外，還有當時擔任主音的GiGi及幕後製作的DJ蠟筆，但後來成員相繼離隊後，又開始了跟DJ Galaxy的合作。在第二集的紀錄片中，陸永則大爆農夫出道初期，連錄音室也沒有的苦況。
農夫最近拍攝紀錄片，憶述出道至今的大小事。 (葉志明攝)
農夫二人與DJ Galaxy及經理人DJ Tommy的相識，源自一個DJ比賽，陸永笑說：「DJ Galaxy個樣係你一世都聯想唔到點解同DJ有關，不過佢又的確係一位好勁嘅DJ，亦好有態度。」故此在沒有太多資源的情況下，他們仍堅持以一種相當「土炮」的方式進行錄音工作：「當時我哋仍然係用一種非常家庭式嘅錄音方法，即係我哋會喺經理人DJ Tommy屋企個廚房錄音。喺冇講究嘅情況底下，我哋喺廚房度錄音都有啲講究，因為佢話廚房嘅聲集中啲，類似人哋喺廁所唱歌會好聽啲。不過其實最主要都係因為我哋無位錄音。」提起這段住事，陸永腦海像是浮現出一段美好回憶：「嗰段係好開心嘅日子，因為我哋心目中Hip Hop就係咁㗎啦，咁樣錄先夠草根，所以全隻碟都係咁樣製作。如果呢件事可以重新再嚟一次，有個咁嘅Project我諗都會好得意。」
當年C君和陸永二人便是逼在一個小小的廚房內錄音。 (影片擷圖)
當年的廚房錄音時期更有珍貴照片留念，陸永親自解話為何要選在廚房錄音。
+1
話雖如此，陸永也不忘搞笑本色，大爆DJ Galaxy的秘密：「如果喺佢個廁所度錄音的話，要好小心嘅係，起碼要有兩個廁所。因為當我哋喺廁所錄緊音嘅時候，佢會釀成一個情況係無端端撞門話自己忍唔到，原來佢有個癖好係等到自己最急先去廁所。」