【音匠相傳】深信用心就有人欣賞 吳浩康:用表現捍衛廣東歌!

撰文:
最後更新日期:

吳浩康(Deep)周三晚(24/10)現身旺角,為《音匠相傳》音樂會打頭陣,紮實演繹《洗剪吹》、《先入為主》、《較早前錄影》及《那怕最終一個人》等作品,帶動全場氣氛可謂「開個靚頭」。

點擊重溫音樂會精彩時刻:

【音匠相傳‧多圖】吳浩康、曾樂彤、泳兒輪住唱 壓軸嘉賓張敬軒

吳浩康落力演唱,為昨晚音樂會開個靚頭。(葉志明攝)

昨晚的音樂會主題的「傳承」,完騷後阿Deep接受訪問時,被問到現時樂壇還有甚麼細節希望大家記住,繼續流傳下去?他表示實在有太多事情,但重點是要歌手們要做好自己:「有一說話我成日都會講,唔係話人,而係話自己,如果夠好,人哋係會學廣東話嚟聽。希望香港嘅歌手真係奮鬥起來,令講廣東話地區嘅朋友,用作品、用表現去捍衛我哋廣東歌嘅地位。」

「希望香港嘅歌手真係奮起來,令講廣東話地區嘅朋友,用作品、用表現去捍衛我哋廣東歌嘅地位。」(葉志明攝)

除此以外,Busking(街頭表演)是近年的熱話,尤其「西洋菜街殺街事件」後,有些「非大媽」表演者也難逃被驅趕的下場。Deep以往也曾試過Busking,對此他認為還有甚麼方法,令音樂更能接觸大眾?「有時走上街表演係咪解決晒所有問題呢?未必係!」他更認為表演者更需要反思一件事:「除咗一班『有特色、有個性』嘅表演者之外,點解Busking呢件事會做唔到主流?唔好淨係賴人!如果Busking真係好吸引到遊客,或者市民參與,我相信會成到一個氣候。」他坦言心態很重要,畢竟表演者控制不了政策:「我哋要諗點樣令我哋(音樂人、Buskers)成氣候,我諗好多Buskers要將個界線同對自己嘅要求高啲。」他直言:「(如果話)依家Buskers呢種質素可以成氣候係大話嚟,有啲根本唔好睇、唔好聽吖嘛!歌手們、樂手們要做好自己,怨人哋係冇意思㗎!」

「Busker要對自己要求高啲,埋怨人係冇意思,要做好自己!」(葉志明攝)

下載《香港01》App,睇盡【01眾樂迷】精彩內容!
https://www.hk01.com/issue/654

01眾樂迷facebook專頁已經開放,想搶先緊貼樂壇最新動向,想知道更多歌手、音樂人、樂迷嘅故事,快啲去呢度集合啦:https://www.facebook.com/01ppl.music



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。