古天樂《男朋友》EP賣過白金 吳雨:比起Eason千嬅一般般啦

撰文:
最後更新日期:

古天樂開紅館個唱的可能性到底有幾高?(資料圖片)

話說早幾個月前,古天樂拍住古巨基翻唱《當年情》,「雙古」金口一開就勾起不少網民的回憶,其實十幾年前古天樂係出過唱片㗎!(記者知道這個並不是新聞)然後《男朋友》、《像我這一種男人》、《今期流行》……就再次成為大家茶餘飯後的話題,更有網民興起講,既然「今期流行…開演唱會」,最想可以踩上紅館的歌手就是古天樂,連海報都做埋畀古仔,時、地、票價樣樣齊,相當有心。今日想同大家分享的,當然不只是這些,想說的事,其實這位期待古仔上紅館的網民的確是獨具慧眼。

曾幾何時,古仔做過華星唱片旗下歌手,(華星啊,即係簽過梅艷芳、張國榮、羅文、甄妮、同埋「華星三寶」嗰間華星啊!)當時,縱橫娛樂圈逾40年的吳雨大哥是華星的總經理,一手培育了「華星三寶」陳奕迅、楊千嬅及梁漢文,近日吳雨宣布退休,商台的《1圈圈 星光背後》就邀請了他上電台接受訪問。

近排退休的吳雨接受電台訪問,講到在華星時代一手打造的「奇蹟」。(資料圖片)

成功為古仔出碟 吳雨話「最自豪」

吳雨接受訪問時,被問到在華星時代創下「奇蹟」,講到奇蹟當然想起今時今日已是天王的陳奕迅啦,錯錯錯,其實「奇蹟」是為古仔出碟!談到古仔時,吳雨頗為自豪說:「依個都唔係一個奇蹟,我認為係幾啱嘅決定,當時古仔未係最紅嘅時候,佢錄咗一隻歌(《男朋友》?),比較起陳奕迅同楊千嬅係一般般啦,但個人而言已經好好。」

對於古仔的歌喉,吳雨似乎相當有信心,其後古仔再錄了幾首歌,但全都被存放在倉底,未有製作成唱片發市,見一直都沒什麼聲氣,連古仔都忍不住追問吳雨,到底幾時可以出碟呢,惟吳雨堅持覺得未到適當的時機,讓古仔繼續靜心等待。

「大哥,我可以出碟未啊?」(設計對白,《創世紀》截圖)

結果皇天不負有心人,在2000年,古仔憑《創世紀II天地有情》爆紅(但吳雨在訪問中說錯了是《尋秦記》,後來經主持人提醒,該為《創世紀》),吳雨亦覺得是時候了,決定扑槌為古仔推出第一張唱片《男朋友》(2000)可以面世:「嗰時古仔得3首歌,3隻歌咪夠,(夠出EP!)咪係!(最終銷量幾多?)有五萬幾六萬!」而同年推出的《今期流行》亦有幾萬銷量,提起古仔昔日在樂壇輝煌的成績,吳雨自信的說:「有時真係講Timing㗎!」

講返嗰位期待古仔上紅館的網民,到底他有眼光到什麼程度呢?按吳雨所說,當年《男朋友》賣到「五萬幾六萬」,亦即是白金唱片的成績(在2006年1月1日之前,本地流行唱片的金唱片及白金唱片的要求銷量分別定為25,000張及50,000張),而《今期流行》亦是金唱片,不要忘記當年的標準比現在高很多,所以古仔是一個名副其實的「白金唱片歌手」。數數手指,一個紅館可以坐12500人,如果當日買唱片的人都到場支持,古仔可以開四場有突!

其實古仔上紅館,九月時sammi演唱會咪上咗囉,仲即場獻聲唱咗《當年情》添。(資料圖片)

嚟,喺古仔紅館未入到紙前,大家聽住《男朋友》MV版先:



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。