張敬軒臨開騷搞笑甩漏 病癒王菀之有老公做保姆唔使人擔心
撰文：陳奕熙
出版：更新：
張敬軒與王菀之(Ivana)的演唱會即將舉行，兩人亦為此密鑼緊鼓綵排，不過綵排《友誼的小船》時軒仔居然甩嘴唱錯，Ivana亦即時笑對方，距離演唱會還有5日，仲甩嘴點算好？軒仔笑言:「啱啱係綵排定甩嘴點算，我哋係唱作歌手嚟㗎嘛，即刻填詞冇問題嘅！」
綵排《友誼的小船》時軒仔居然甩嘴，他笑言要練定甩嘴的應急措施。（符祥定攝）
軒仔和Ivana手上的咪每支價值一百萬。（符祥定攝）
談到Ivana剛剛病好，會否特別容易攰？她坦言因綵排的時間都是開心居多，所以不會覺得攰，不過回到家就比較疲累，但相信正式開騷會Fit爆登場。問到軒仔可會特別照顧Ivana？他竟然話不會，又笑謂：「依家佢全職有個24小時保姆喺屋企吖嘛，直頭係救生員，我唔需要再太為佢操心。」重情重義的Ivana要老公Eric So都要朋友，聽到軒仔的說話當然嬲嬲豬啦，軒仔見到Ivana生氣也即補鑊話：「會錫住，成隊Team好錫佢，好就佢。」
Ivana雖然剛剛病好，但軒仔話Ivana身邊有個全職保姆，不用自己費心。（符祥定攝）