黃翊搵何哲圖傾演唱會? 老婆潑冷水:網民話睇但唔買飛就出事!

撰文:
最後更新日期:

黃翊自從在《流行金曲50年》獲極大關注後,曝光率大增,好多歌迷都好期待黃翊之後可會再出新歌,甚至開演唱會。黃翊之前就有講過有意推出新歌,而看黃翊這幾天的Facebook的更新,這件事似乎好快會發生,事關他近日不斷上載在studio拍攝的相和圖,今日更與星夢娛樂老闆何哲圖約見,合照寫到明:「今日同TVB高層 Herman傾正嘢。」

過去一直有傳星夢旗下的鄭俊弘因與何雁詩的緋聞,搞到原定7月舉行的紅館個場要急殺停,有歌迷見到黃翊與何哲圖會面,甚至推測黃翊會否頂上開騷。

黃翊與何哲圖食飯咩有搞作?(Facebook圖片)

事實上,現已是大牌檔老闆的黃翊最初是有點抗拒再唱歌的,他早前接受電台訪問時,更自爆初初收到節目組電話時,擔心到不回電話,到答應了上節目又忘記歌詞:「個時要打畀啲死忠Fans問,佢哋話搞錯啊,自己作嘅歌都唔記得。」後來上了節目人氣急升,黃翊才敢相信上天留給他的第二個機會:「其實我不嬲都ready好,因為我對唱係有團火,不過已經熄滅咗,廿幾年前好想係音樂上面做啲成績,咁但係呢發現當時睇唔到,好多人都只係睇到某幾位既努力。」

黃翊之前帶仔仔去Studio。(Facebook圖片)

黃翊坦言現在做的事,最想自己可以覺得舒服、開心和有家人支持,他又表示現在不時會收到人邀請他再唱歌和開唱演唱會,談到可有對此心動?黃翊笑言:「我老婆份人就保守啲、踏實啲,佢就叫我唔好信,個啲人通常喺網上面講就話去睇你,到時佢哋唔買飛你就出事喇,我就話係喎,唔好亂嚟!」雖然未知開演唱會成唔成事,但見黃翊上載Studio的相也可以相信,他正為音樂做準備。

黃翊之前和音樂人見面。(Facebook圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。