【專訪】RubberBand野佬走獨立為自由:咁多年都冇諗住打入主流

撰文:
最後更新日期:

RubberBand(RB)和Yellow!野佬即將於6月初舉行《RubberBand x Yellow! 乾杯音樂會》,由400人Music zone走到可容納3600人的Star Hall,他們算得上是主流了吧?記者一問這個問題,野佬的何兆基就話:「其實呢,你覺得我哋主流咋,你去問下啲街坊朋友,佢鬼知你哋咩。」

攝影:黃國立

你問Band仔RB和野佬當然是主流,但在普羅大眾眼中,可能還是分不清他們。相對於充斥住Pop song的香港樂壇,Band sound好似是非主流,問到大家都玩音樂,會否覺得努力多年還是打不入主流?野佬的Ming就話:「反而我自己睇係,我哋咁多年都冇諗住打入主流。」

談到主流與非主流的問題,野佬的Ming(右)直言:「反而我自己睇係,我哋咁多年都冇諗住打入主流。」(左為野佬的阿康)

過去的主流媒體是電視,野佬的新歌《唔紅有原因》最近也有在Viu TV宣傳,他們就笑言其實某程度上,有些人覺得Viu TV已經是另類,再轉個角度去看,現在的娛樂生態已經今時唔同往日,網上媒介已經很強大:「依家資訊咁發達,冇邊樣嘢特別偏門,唔同嘢都會搵到嚟聽。」

要決定主流和非主流是一件很主觀的事,但它們的界線卻變得越來越模糊。野佬的何兆基直言:「睇你覺得主流喺邊到,如果你覺得TVB係主流嘅話,咁我哋係兩個世界,同埋依家都係冇主流啦,世界太細喇。」RB的泥鯭又補充說到,這個年代很多人已離開沙發,在網上尋找資訊,難道他們喜歡的就不是主流嗎?

+6
+5
+4

野佬現在在小公司自由自在地創作着,而RB去年離開寰亞後更一直保持自由身,RB的阿偉直言相對於簽約大公司,這個狀態彈性會較大:「特別是獨立自主的精神,獨立公司好多事都可以自己決定,近年多咗演出是因為自己決定做就做,不需要太多顧慮,譬如我們去年到台灣宣傳,買張機票、Book個Live house就可以,以前要計數、要想成效,現在可以好率性。」

Band大部分在組隊的時候已經埋晒班,有自己的崗位,各自負責不同樂器、作曲填詞,相比起一般Solo歌手可以更容易做首歌,自主性強,亦更有本錢「率性」。何兆基坦言樂隊與傳統樂壇的玩法不同,好多事都是想做就做:「唔係計算咁多錢啊、關係啊,但如果你簽公司嘅話,公司好多時會有依啲考慮,所以Band仔都係自己做好啲嘅,當然唔同性格嘅Band都會有唔同需要,好難一概而論。」

換個角度去看,大家各有需求,各有想法,主不主流仲要嗎?



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。