譚芷昀爸爸係最佳關公 女兒做公司生招牌「順勢」幫自己做歌手
9歲小妹妹譚芷昀在《America's Got Talent》中一鳴驚人，成為港人一時佳話。雖然網上意見兩極，有人力讚呢位小妹妹天資聰穎，亦有人批評佢淪為父母生財工具。不論如何，望子成龍也是古今皆有的事情，在這位9歲天才背後，當然不少得一位幕後軍師，也就是她的爸爸，譚順生博士。比起以女兒作生財工具這類極端的看法，其實他也只是較懂得善用女兒優勢，為自己、為女兒作宣傳，總之女兒越紅，他就越見報，越受關注。
譚爸爸一直都有個歌手夢，或許是這個原因，於是一直努力培訓Celine成才，更因為女兒而有幸與不同的樂壇中人結交添！
經常說母憑子貴，但今次可算是父憑女貴。本身也是一位聲樂老師的譚順生博士，有個明星囡囡，自然要變身「星級爸爸」，去年跟隨Celine父女檔一起簽約為蕭定一旗下歌手，儘管有人會認為「買細送大」，不過一家親咪幾好！最近譚爸爸更推出專輯，望望Celine的專頁，她的確比一般9歲小朋友更識諗，懂得利用自己的專頁為爸爸宣傳新碟，字眼的成熟程度，你講係譚爸爸自己打都有人信，Celine成功之餘又幫爸爸宣傳，譚爸爸真係老懷安慰啦！
最近接受傳媒訪問時，他表示新碟銷售情況理想，仲話好多人訂咗，究竟係咩人呢？我啲學生都訂咗好多，加上囡囡好多Fans，佢哋愛屋及烏。」所以話，有個又可愛又唱得嘅囡囡幫手，仲有一班門生，想唔紅都難呀！
提起爸爸譚順生，其實除咗做歌手以外，他仍未放下聲樂老師的身份，最近更推出暑期課程，話晒都培養咗一個小巨肺出嚟，當然要食住個勢做宣傳。所以不論在譚博士的社交平台、官方網頁、甚至巴士廣告上，都能夠見到囡囡Celine嘅身影，提高女兒曝光率之餘，又能盡用優勢，睇嚟囡囡Celine已經係譚博士「Sing And You」音樂中心的生招牌。一眾家長如果都想培育子女成材，似乎譚博士的歌唱課程夠晒說服力，上網睇一睇，小朋友課程每堂也只是大概港幣三百多元，認真抵玩！
不少人認為，父母完成不到的心願，就靠子女幫他們完成。今個父親節，譚博士總算完滿了自己的歌手夢，又把女兒打造成新一代小天后，由《中國新聲代》到《Britain’s Got Talent》再打入《America’s Got Talent》，可說是最佳的父親節禮物，羨煞不少港爸港媽。深信在可見的將來，除了教聲樂外，譚博士還可以考慮一下開班教授新一代爸媽如何培育子女成材。
似層相識....原來同補習名師有關