埋單才知坐廳房每樣餸要加$20!網民無奈多付$320:算唔算濫收?

撰文:花生Jan
出版:更新:

最近有網民於Facebook發文,指自己與家人到灣仔某餐廳食飯,預訂了私人包房,卻在結帳才被告知坐廳房有額外收費,最後事主足足需要額外多付$320,令她大感驚訝,直指:「明明已過最低消費,咁樣算唔算濫收 ?」

(FB @ 中伏飲食報料區)

最近有網民於Facebook群組「中伏飲食報料區」發文,指自己與家人一行14人到灣仔味苑食晚飯,她指自己平日都有光顧餐廳,為了與家人坐得舒服,所以決定訂私人包房。

事主指自己在預訂時,已向職員問清楚包房設有最低消費$3500,指自己接受:「有最低消費規定係完全無問題,我亦都明白係唔可以叫套餐或者特價菜。」。並指一直有經理跟進訂房事宜,更預先支付$500作為訂金。

直至事主與家人在餐廳食飯,到結帳時才發現除了茶芥、白飯及甜點外,每樣餸菜都有額外收費$20。她馬上向員工查問,卻被告知原來如果坐廳房,每樣餸菜都要額外再支付$20,事主指結帳時才知道有16款餸菜需多付$20,比起坐散座的價錢足足需要多付$320,令她大感驚訝,指「點解由我訂枱到畀訂,到點菜嘅時候,從來無人同我提及呢一項額外收費?」

事主強調有達至最低消費,更沒有點特價菜,「明明點菜我哋全部都係喺餐牌裏面揀選!」她指是自己第一次遇見這個情況,當時因不想家人等太久而只好無奈接受,但事後卻覺得不忿,「我唔知咁樣無講清楚算唔算濫收 ?」

(FB @ 中伏飲食報料區)

帖文引來不少網民回應,有網民認為餐廳收費無理,指「每個加$20明搶!」、「唔夠最低消費,要每樣餸加$20都叫合理,但你夠最低消費,又無人提你就唔合理,應該要嘈佢!」又有人指餐廳員工應在事主訂房時出聲提醒,「點可以到埋單先講?博人唔check單?如果係佢出錯,無理由要樓主突然畀舊咁嘅錢出嚟。」

詳細原帖:

(FB @ 中伏飲食報料區)