【食物安全】薛家燕食內地生蠔後短暫昏迷 5大要點學揀新鮮靚蠔

撰文:
最後更新日期:

內地不時爆出食物安全問題,但仍然有許多人不惜玩命!藝人薛家燕錄影《流行經典50年》時,就自爆母親節時去內地做商演後,食生蠔食到又暈又嘔,更一度失去意識休克於浴缸,認真險過剃頭!若然大家愛吃蠔又擔心出事,就要記住挑選新鮮生蠔的5大要點!

薛家燕近年多了個“Captain Nancy”新稱號,不過這位拯救萬民的女英雄也有倒下的時候,原來「中國生蠔」正是她的天敵。薛家燕昨晚到電視城錄影《流行經典50年》,一向笑面迎人的她被問到如何歡度日前的母親節時,卻自爆在病中度過,難怪當日狀態麻麻。

家燕姐母親節於內地商演,獲主辦單位邀請去高級西餐廳用膳,結果就因食生蠔導致屙嘔多次、食物中毒!她說:「喺個好高尚嘅餐廳食西餐,我試咗啲生蠔,第二朝返香港個胃同肚開始唔舒服,嘔咗好多次,又屙咗好多次,有次急得滯嘔咗落個浴缸度,醒返嘅時候,個塊面對住浴缸底,周圍都係嘔吐物,我就諗點解會咁㗎?我手腳麻痺晒,嗰時先發現肯定係我自己暈咗!之後我慢慢爬返起身叫個女同工人,應該都暈咗分零兩分鐘。

《流行經典50年》的主持人黎小田早前才因肺炎入院,暫未能復工,沒想到轉個頭連薛家燕都食物中毒,但她仍帶病主持節目。(視覺中國)

家燕姐慶幸當時浴缸冇開水,否則失去意識的她可能會浸親,無法錄製節目。事後她已立即求醫,坦言從此事領悟到食品始終要徹底煮熟方可進食,尤其是現時天氣炎熱,細菌易滋生。一向是眾人開心果的她叫大家不用替她擔心,還呼籲大家都要注意食物安全,另笑謂:「個個都話我瘦咗好多,所以6月尾開嘅演唱會,謝天華應該可以抱得起我!」

即使薛家燕今次食生蠔的地點已是高級西餐廳,但都同樣「瀨嘢」,厲害了我的國!(VCG)

事件引發網民熱議,由於早前肥媽(Maria Cordero)曾在無綫節目《大灣區活好D》推介觀眾去大灣區食淡水魚生,最終被網友圍插,所以網民都驚訝家燕姐在前車可鑑情況下未有吸取教訓,還敢在內地食生蠔,心口簡直寫住「勇」字!雖然網民又調侃家燕姐,指她幸好有「無限寶石」護體才能大步檻過,不過大家都希望家燕姐早日康復,別再在內地亂食嘢,始終命仔最緊要。

請按下圖睇網民留言:
+3
+2

有生蠔食當然好,但揀蠔除了是否肥美豐腴、有否海水味之外,最重要還是一個字:鮮!很多人說法國生蠔要在「R月份」(月份英文名含有“R”字的月份,即9月至4月)品嘗,但其實現時很多生蠔都是養殖,因此一年四季都能吃到來自世界各地的生蠔。

至於要如何辨別生蠔新鮮度,有5大要點:
(1)味道|生蠔聞起來沒有任何異味。
(2)蠔殼|蠔殼完全緊閉,沒有破損。
(3)裙邊|新鮮生蠔若受到刺激,裙邊會動。
(4)蠔肉|飽滿有光澤,不會「霉」,一打開時蠔身會縮。
(5)蠔殼內|帶有海水(不過有些餐廳開蠔後很可能會用鹽水沖洗,佯裝成海水。)

食物安全中心就曾因譚玉瑛的節目,而出Post向網友解釋食生蠔的風險,指生蠔容易積聚細菌,並提醒注意事項。(facebook:食物安全中心Centre for Food Safety)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。