【港姐2018】麥明詩唔鍾意「港女」二字:負面標籤!

撰文:林通賢
出版:更新:

麥明詩今天出席「2018香港小姐競選」記者會。在無綫《後生仔傾吓偈》節目中,與馮盈盈兩個好姊妹,言論貼地,打破港姐形象,反而更加吸引大眾!明詩又點睇呢?明詩笑言:「自從我同馮盈盈努力之後,港姐形象有少少改變,呢樣野我都幾開心嘅,因為我覺得女仔係好多元化,其實都可以做返自己,希望公司嚟緊呢屆港姐可以安排上嚟《後生仔傾吓偈》節目,等我同馮盈盈,可以同佢哋可以好深入咁傾吓偈,傾吓好深入嘅話題,咁可以比大家觀眾睇到佢哋更真實嘅自己。」

麥明詩五覺得離地有乜問題

香港地經常討論「港女」,覺唔覺得自己係港女?麥明詩坦言:「我覺得自己係國際化女仔,我喺成長於香港,其實我覺得港女呢個標籤,係一個負面嘅標籤,唔係咁好囉,因為第一香港嘅女仔好唔同,唔可以話香港女仔就一式一樣,其實佢哋講緊嘅素質,其實都係睇你點睇,可能佢哋覺得女仔粗魯,咁其實係一個褒義睇法,佢係直接做返自己囉,咁我覺得大家最緊要唔好批判大家,最緊要相信自己,一定有長短好處,接受自己。」香港小姐冠軍一定要具備美貌與智慧,呢方面一定難唔到麥明詩啦!相信呢一屆香港小姐競選,都要具備多一樣條件就係「貼地」!明詩續道:「其實我又唔係好了解貼地同離地個諗法,據我認知貼地系要了解香港嘅事,及要有廣闊嘅視野囉,亦唔明離地有乜嘢問題,其實好難平衡。」

麥明詩穿著黑色吊帶衫,盡顯女性美
+9