鍾情魚網絲襪少女味十足 李司棋：主要我個人比較上鏡
撰文：賴家杰
出版：更新：
疫情之下市場推出不少防疫產品，藝人李司棋今天（20日）出席了一個防疫產品發布會，她說：「今日係我識咗30年嘅老友記叫我先嚟，因為我話好驚呢個病毒，因為話呢個病毒會埋老人家單，所以我就唔想咁快埋單，然後佢就介紹咗呢個產品畀我用。」
司棋姐表示勁驚呢個病毒。（賴家杰攝）
近期司棋姐在Ig Upload了一張照片，相中司棋姐穿著黑色魚網絲襪，網友立即大讚少女味心足，她笑言：「其實邊關少女事，我覺得少女唔會著。我係覺得有時候露兩個大髀好寒，加上依家秋天，所以我覺得要著返對襪，大家焦點都係向上移而唔好向下望啦。」司棋姐更笑言已入了很多貨：「好多我都未必會著，如果開箱有紫色你話點著呢，所以平時都係著深色。」
司棋姐都係一名愛吃美食的人，最近常常看見她購買大閘蟹。（賴家杰攝）
另外網民大讚司棋姐少女感十足，司棋姐直言是很開心：「大家都知道依家影相係有少少修圖，個樣有時會啡啡地黃臉婆咁樣，修完會好咗，同埋主要我個人係比較上鏡，人哋讚我都唔會輕飄飄，但都會開心，多謝哂。」
點撃睇更多司棋姐照片：
+33