勁歌金曲頒獎禮︱首度入圍最受歡迎男歌星 王浩信惡鬥胡鴻鈞?

撰文:洪曉璇
出版:更新:
經歷兩次優秀選後,《2020年度勁歌金曲頒獎典禮》將在1月17日舉行。(葉志明攝)

《2020年度勁歌金曲頒獎典禮》將於本周日(17/1)晚上舉行,今年繼續有唔少演員踩過界演而優則唱,除咗袁偉豪以39歲高齡入圍角逐新人獎,仲有出爐視帝王浩信,首次有份入圍競逐「最受歡迎男歌星」大獎。

出爐視帝王浩信,會唔會有機會擊敗胡鴻鈞周柏豪,首度入圍就一舉奪得最受歡迎男歌星呢?(資料圖片)

其實大家應該記得,王浩信當年係歌手身份入行,《愛與被愛》當年都係K場合唱歌熱門之選,仲曾經拎過樂壇新人獎﹗08年加入TVB後就專注演戲,間中唱劇集歌曲,曾經喺《2019年度勁歌金曲頒獎典禮》上,獲得「最佳原創歌曲金獎」及「人氣王大獎(男歌星)」獎項。當時王浩信上台領獎時話:「多謝《勁歌金曲》咁多年冇放棄我。」唔知今年又有無機會一舉奪得最受歡迎男歌星呢?

+3