馮盈盈被拍得同地產執行董事撐枱腳：再有機會食飯，我會請佢食
撰文：吳子生
出版：更新：
前港姐冠軍馮盈盈經常是非纏身成為新聞女王。最近有指緋聞男友鄭衍峰未獲「正印」位置，嬲爆同馮盈盈吵大獲，驚動無綫高層，最終馮盈盈決定斬欖走人。日前馮盈盈被爆極速密會新歡西裝男撐枱腳，豪歎米芝蓮餐廳三千蚊午餐，二人不時互相傳情有講有笑，傾足2小時。
馮盈盈否認有新歡。（陳順禎攝）
今晚（22/1）馮盈盈出席《big big shop感謝祭》宣傳活動時，接受《香港01》訪問說：「首先我要澄清我冇新歡，而撐腳係因為二人限聚令嘅關係，只能夠二人同枱食飯。而個位男士係朋友關係嚟，而當日我只係想問佢關於一啲投資方面嘅意見，大家先食嚟食飯，就唔好彩就俾人偷拍到。（男方請客？）下次再有機會食飯，我會請佢食，唔想俾人話我攞佢著數。（有冇搵鄭衍峰呻下減壓？）有咩需要呻呀？我唔覺得有喎！我又冇咩壓力需要抒發，嚟緊好多工作在手好忙要開工，所以約我食飯都唔客易㗎！」
馮盈盈不滿被人偷拍。（陳順禎攝）