冥冥之中︱栢天男拍打鬥場面受傷 要自己包紮傷口：依家都赤赤痛
撰文：賴家杰
出版：更新：
有「翻版金城武」之稱的栢天男今天（21日）出席ViuTV劇集《冥冥之中》的拜神儀式，而近年都可以在Viu的劇集看見他的演出，像《三一如三》、《熟女強人》、《太平紋身店》，不過都不是主角系列的角色，這次在《冥冥之中》終於能擔正男一，他說：「其實都唔簡單，好多功課要做，我中文唔叻，一唔係拍緊就返屋企睇劇本，有參與過Viu唔同劇，但今次係最重戲份，壓力一定係有，但最慘係唔夠瞓，因為冇時間，雖然壓力多，但會好好把握機會。」
天男劇中與劉心悠有不少感情戲。（梁碧玲攝）
這劇集中有不少打鬥場面，在昨天（20日）拍攝途中已經不小心弄傷了左手，出席活動時候都看見包紮了傷口，天男透露是新鮮滾熱辣，自己包紮的，他說：「琴晚動作戲打鬥個陣唔小心流血，依家都赤赤痛，都未有時間去睇醫生，自己包紮，今晚仲要開工，所以冇乜時間睇醫生。」
天男自己包紮傷口。（梁碧玲攝）
+4