王祖藍親自教帶貨 黃建東:原來件產品唔好都可以講埋出嚟

撰文:鄺鈺瑩
出版:更新:
黃建東首次做帶貨直播,就有王祖藍教路,獲益良多。(IG圖片)

自從Big Big Shop面世之後,無綫多次舉辦超級感謝祭,搵嚟多次小花、花旦邊食邊帶貨。不過,隨著綜藝節目改革,連感謝祭都變成《周末幫你慳啲啦》,除有黃建東、黃頌明主持之外,仲搵嚟喺內地有過多次帶貨直播經驗嘅王祖藍教路。

祖藍喺內地做過唔少帶貨直播,經驗十足。(影片截圖)

黃建東接受《香港01》訪問時透露正式錄影前,除開會、熟讀所有資料外,又親自試用產品。「不過其實好多謝祖藍湊住我哋,佢有教我哋點掌握節奏,例如係可能要比大家知道街價,然後話比大家知我哋特價係幾多,最後係秒殺價,要咁build up上去先會增加觀眾購買欲。同埋佢有特地提我唔好太誇張,一個好嘅帶貨員係要真誠,要比觀眾覺得我哋真係講緊件產品嘅事實,同埋件產品有咩唔好,原來都可以講埋出嚟,要持平去令觀眾相信你。同埋佢都有教我哋唔好用假tone,要真心、好似同朋友講嘢咁先有用。」

Big Big Shop去年多次舉行感謝祭,用誇張手法去帶貨。(影片截圖)

黃建東表示之前一直都有朋友找他做帶貨直播,但由於缺乏經驗,所以一直未有嘗試,但經過《周末幫你慳啲啦》,黃建東認為自己可以在這方面多作發展。「我相信之後會愈來愈熟悉呢個模式,但都要學識點精簡地將件貨喺兩分半鐘內令觀眾明白件貨品嘅好處、同埋令佢想買。」

黃建東近來瘦身20磅,他表示「肥仔」角色去年大家都睇唔少,所以決心做GYM減肥。(受訪者提供)

同場加映:王祖藍扮藍太 認熱話一定敏感︰既然返嚟有啲新改革

+48