61歲李子雄娶「回族第一美女」　罕曬全家福被發現髮線回春

現年61歲嘅李子雄多年來影視作品無數，近年佢移居內地，2010年娶有「回族第一美女」之稱嘅內地藝人王雅琦，更喺2018年老來得子，近日罕有公開全家福，李子雄更看似回春不少。

2018年曾志偉爆響口指李子雄老來得子，細佢20年嘅王雅琦平安誕下囝囝Kyle。近日李子雄罕有分享親子出遊短片，見到李子雄推住一車隨身物品，戴住囝囝遊覽，又陪囝囝研究望遠鏡，又抱高囝囝射籃球，而著住黃色衫嘅Kyle非常活潑好奇，周圍望周圍指，王雅琦一臉溫柔望住兩父子互動。

唔少網友更發現李子雄有回春感覺，佢喺1982年報讀第十一期無綫電視藝員訓練班入行，同期同學有梁朝偉、吳鎮宇、張兆輝等。首部電影《英雄本色》中演嘅大反派「大哥成」一炮而紅，有網友發覺李子雄依家髮量比35年前更濃密，同太太唔似相差20年咁多。