聲夢傳奇.專訪︱14歲姚焯菲剖白參賽苦與樂:同學唔同我講嘢

撰文:林迅景
出版:更新:

無綫(TVB)節目《聲夢傳奇》找來15個新人比賽唱歌,年齡介於14至26歲之間而且大部份都是18或以下的在學青少年。《聲夢傳奇》比賽採用淘汰制進行,雖則節目在4月頭播出,但其實一月份這班學員就已開始接受一連串密集式訓練,直到7月才會有冠軍產生,對他們──尤其是炎明熹(Gigi)、鍾柔美(Yumi)、詹天文(Windy)和姚焯菲(Chantel)這四位年齡最細的女孩來說,無疑是一個長達半年,有巨大壓力的終極考試。

左至右:炎明熹(Gigi)、詹天文(Windy)、姚焯菲(Chantel)和鍾柔美(Yumi)(梁碧玲攝)

壓力不止源於比賽,其實朋輩之間的關係也有影響。當然,參加比賽得到朋友、同學、老師和長輩支持固然好,但反過來因為參賽而遭受排擠。

姚焯菲(Chantel)雖然只有14歲,但上台時表現也不輸專業歌手。(梁碧玲攝)

參賽者之一的姚焯菲(Chantel)今年14歲,也是15位之中年齡最細的,個性活潑而且十分健談。問及參賽的原因,姚焯菲就回答:「我好鍾意唱歌,但係我冇學過,所以參加呢個節目,純粹係一個畀自己嘅挑戰,證明畀自己同埋身邊嘅人睇,我係做到嘅。」

鍾柔美(Yumi)比賽經驗相當多。(梁碧玲攝)

證明自己有很多種方法,尤其是參選「香港小姐」,不過她們就對選美不太感興趣,姚焯菲還說:「因為我覺得唱歌係一種實力,會有啲嘢畀我哋學,同埋會進步。選美就…你唔覺得選美冇㗎咩?哈哈。」詹天文接着說:「可以整容㗎其實。」鍾柔美也補充道:「我自己個人就真係好鍾意唱歌,所以就向呢個方向行。」炎明熹也說道:「唱歌對我嚟講係一種享受,音樂對我嚟講係一種享受,所以參加呢個比賽都係享受舞台。」看四位學員參賽的目的看似不同,但其實本質上都是因為喜歡唱歌而踏上這個舞台。

詹天文(Windy)今年15歲。(梁碧玲攝)

比賽參加者都會遭受批評,觀眾質疑又或是網民的壓力,對於14、15歲的她們來說,朋輩的影響尤為重要。姚焯菲說:「學校啲同學本來好Friend,但係突然之間就會話:『你都唔返學,而家又咁出名,但都唔會同我玩㗎啦,你啲功課都唔會做㗎啦,咁我唔同你講嘢,又咩功課又咩測驗,都唔會同我講幾時囉。』我會覺得好唔開心,每一日一返到學校,見到佢,佢又唔同我講嘢,真係一件好唔開心嘅事,但係有部份同學都好支持好鼓勵我,叫我唔好唔開心,話:『我會幫你。』同你講幾時有功課幾時有測驗。」

炎明熹(Gigi)被喻為比賽大熱。(梁碧玲攝)

點擊下圖睇更多靚相:

+40

同場加映:聲夢傳奇︱14歲姚焯菲千萬豪宅曝光 客廳超大放到8人飯枱

點擊逐格睇姚焯菲豪宅:

+25