日日媽媽聲|鍾麗淇照顧患罕見病大女 不覺偉大:覺得得著更多

撰文:洪曉璇
出版:更新:
鍾麗淇大女Isabella差不多6個月大時突然抽筋,其後確診罕見嘅「四號染色體缺損綜合症」。(IG:@yogachung)

做媽媽經歷十月懷胎,再到生產時十級痛楚,只想見到BB健康出世。鍾麗淇大女Isabella差不多6個月大時確診罕見疾病,呢日佢現身由余安安、羅敏莊和陳凱琳主持嘅節目《日日媽媽聲》,分享多年來心路歷程,更封囡囡係佢嘅「戰士公主」。

日日媽媽聲︱楊卓娜被封最佳繼母 面對衝突:只能夠代入媽媽角色

鍾麗淇話當時醫生指囡囡有機會過唔到2歲,但佢地未有放棄。(影片截圖)

鍾麗淇大女Isabella差不多6個月大時突然抽筋,其後確診罕見嘅「四號染色體缺損綜合症」:「當時醫生都好緊張,因為佢抽筋唔係一兩分鐘,係一至兩小時。當時好焦急諗點樣令佢好啲,應該睇咩醫生,唔係無時間,而係無畀機會自己去有感受,因為覺得自己感受唔重要啦,最緊要先處理囡囡嘅事。」

日日媽媽聲|葉凱茵懷孕9個月因妊娠毒血流產 拒見BB最後一面

鍾麗淇囡囡每次抽筋會持續一兩小時。(影片截圖)

醫生曾指Isabella可能過唔到2歲,鍾麗淇坦言:「好多人會覺得我付出好大,但我覺得得著更多。」五年後鍾麗淇再懷二胎,余安安問鍾麗淇生第二個小朋友時會否有所擔心? Margaret指:「我唔怕,就算bb生落來都係有特殊照顧需要,呢個係我命運,會堅強面對。有BB就盡量令她生存唔可以中止其生命。」Margaret稱自己無刻意教細女要照顧姐姐,而係身教令細女知道姐姐需要時刻被照顧。

+22