黃建東與「40億千金」蔡頌思合演夫妻又攬又錫:一額汗!

撰文:吳子生
出版:更新:

黃建東(東東)今日(14/5)現身柴灣出席舞台劇《老公你好悶》記者會。東東透露首次擔正舞台劇男主角心感興奮又緊張:「其實導演當初揾我做主角嘅時候,就千叮萬囑我一定要減肥。就係咁我就由二百幾磅,減到而一百九十幾磅,但係我仲想減多三十磅。」

提到同「40億千金」蔡頌思合演做夫妻,東東笑言自己行運:「因為劇情裡面我同老婆會有親熱,又攬又錫又要抱呀!大家都知我呢啲咁怕醜嘅,拍親呢啲戲我都一額汗,咁所以事前都會同對手傾清楚。(對手係富家女,小心手多多!)其實我之前係識頌思同埋佢屋企人,而且頌思個人好專業,到時埋位拍我一啲都唔擔心,仲希望到時佢帶我入戲,想我做咩就做咩啦!」