TVB藝訓班次輪面試參加者極具娛樂性 校長馬浚偉：唔係話佢騎呢
撰文：洪曉璇
出版：更新：
TVB四月中在將軍澳電視城一廠舉行《2021藝員及電視製作人員訓練班》面試。（陳順禎攝）
無綫（TVB）四月中於將軍澳電視城一廠，舉行《2021藝員及電視製作人員訓練班》面試，吸引過千名面試者到場參加。今屆由馬浚偉任無綫藝訓班校長，呢日《東張西望》直擊第二輪面試情況，指參加者中有好多「高大靚仔、可愛美少女以及有個人特色面試者」。
《東張西望》直擊第二輪面試情況，指藝訓班參加者中有好多「高大靚仔、可愛美少女以及有個人特色面試者」。（影片截圖）
馬浚偉同樂易玲接受訪問時表示：「喺兩次面試中我地搵到啲好有特色嘅演員，唔係話佢騎呢，而係真係好有個人特色，自然可以fit到某啲角色。」片段中見到參賽者都自信十足，有人表演功夫，有人扮二胡聲，有人即席rap自創歌詞，仲有位黑黑實實嘅參加者，自稱好多人話佢似吳卓羲、王大陸，即席扮演《我的少女時代》中對白：「我是劉德華，唱歌給你聽。」連主持容羨媛都忍唔住笑出嚟，果然好富娛樂性。
呢位藝訓班參加者自稱好多人話佢似吳卓羲、王大陸。（影片截圖）
點擊睇今屆藝訓班參加者質素：
+26
+4