鬼上你架車|森美爆商台錄音室有恐怖結界:行極都出唔到走廊

撰文:鄺鈺瑩
出版:更新:
森美原來遇過唔少靈異事件,當中有唔少都係喺商台發生。(影片截圖)

最新一集《鬼上你架車》 搵嚟森美大講商台靈異經歷,森美表示曾經有傳商台出現結界,事緣係一有位童星出身嘅DJ,有晚做完節目之後打算離開。「由錄音室要經過控制室先可以出到門口,但佢喺控制室推門,發現自己喺控制室,再推又係控制室,來來回回幾次後,佢大叫『唔好玩啦』,再推終於喺走廊 佢出嚟之後望一望個鐘 ,兩點半,即係佢出出入入半小時,但佢感覺無咁耐,呢個就係錄音室結界。」

繼小儀分享商台「忠粉」之後,今集有森美講商台結界。(影片截圖)

森美表示有一次喺錄音室室同鄭家輝做節目時,當佢戴上耳機之後「推咪」接下錄音掣,突然聽到一把男人聲話「唔好嘈啦」。做完節目後,森美向鄭家輝問責,但對方表現錯愕,仲話自己喺佢「推咪」後無講過任何嘢。「聽返重播之後,發現一粒聲都無,只係聽到嘶嘶聲……」森美之後嘅靈異經歷,又係同鄭家輝一齊時遇上。「有次同佢去日本,佢夜晚去搵朋友玩,我就返酒店瞓先,我瞓到一半聽到佢返嚟、有沖涼聲,我當時望一望錶,大概兩點幾,翌日起身我同佢講『你尋晚咁夜,兩點幾先返』佢話『夜?我今朝先返喎』大部份日本人無電車之後,都會留喺書店或者咖啡店,佢話佢點會有可能返到酒店,我聽完真係真係全身雞皮。 」

同場加映:鬼上你架車|商台直播室特別猛?小儀爆森美有「VIP」聽眾

+24