陳曉華江嘉敏拍劇成好友　聞船P即落閘稱忌水：肯定唔會去！

陳曉華（Hera）今日（20/7）現身電視城出席無綫劇集《食腦喪B》記者會。Hera就透露同江嘉敏因拍此劇成為好友，二人亦經常孖住去學跆拳道 ，雙方感情一日千里。但提及到江嘉敏被封為「話題女王」形象負面，就像去年同馮盈盈出海船P事件搞到滿成風雨，最終導致姊妹關係決裂。Hera表示：「其實邊有人諗咁多嘢㗎，做朋友就做朋友啦，所以我就唔會諗咁多，做朋友係講感覺嘅。（會唔會同江嘉敏去船P?）我就唔會去船P，因為我好怕曬黑，加上我忌水又唔識游水，所以肯定唔會去。」