馬浚偉不滿無綫舊有制度多忌諱:讚吓人哋又唔得。

撰文:吳子生
出版:更新:
馬浚偉認為電視台之間有良性競爭是一件好事。(劉智源攝)

馬浚偉(馬仔)今日(23/7)現身火炭出席其創辦的教育中心「閃亮資助計劃」啟動禮。提到無綫為免再陷收視劣勢火速籌備《聲夢傳奇2》硬撼ViuTV《全民造星IV》,馬仔直言是一件好事:「我好鍾意而家嘅TVB,見到曾志偉佢哋好貼地,佢哋做嘢好開放。對比以前好忌諱,就好似講吓其他台又唔得,讚吓人哋又唔得。唔好啦,我覺得而家唔使嘅,而家咁咪幾好,有良性競爭。咁所以我哋要將整個演藝工業再睇大啲,唔好淨係睇一個台,喺講緊成個香港。咁所以我哋要做返好我哋嘅香港演藝工業。」