何雁詩自揭離巢後有公司招手 赴美度完蜜月再諗去向:最緊要舒服

撰文:劉傳謙
出版:更新:

何雁詩(Stephanie)今日(30/7)現身尖沙咀出席一個品牌宣傳活動,是她離開無綫(TVB)後首個活動。她稱之後會隨老公鄭俊弘(Fred)赴美登台,順便度蜜月,又笑指今次終於不需請假旅行,但擔心當地疫情反彈:「嗰邊疫情都嚴重,所以要避免一啲多人嘅地方,自己要做足所有防疫措施。」

Fred稍後會赴美登台,正好與Stephanie一起度蜜月。(葉志明攝)

最近東京奧運進行得如火如荼,Stephanie稱最近和Fred透過電視機觀賞奧運賽事,對何詩蓓及張家朗奪牌感到非常興奮:「嗰日我睇張家朗嘅賽事,我係餐廳出面食緊飯,我都忍唔住歡呼同拍手掌,仲叫埋其他人一齊歡呼,其實未開始頒獎我已經開咗支香檳!」曾經是高爾夫球選手的她,直言將留意代表港隊的好友陳芷澄下星期的比賽,希望香港觀眾不要只聚焦熱門運動的比賽。

+1

Stephanie早前指今次離開TVB,希望專注在音樂上的發展,她強調這次決定並不代表舊東家限制過大:「我冇咁諗過,純粹係因為喺呢度有一段時間,所以想出去見識下,覺得如果冇踏出呢一步,將來會後悔。(有冇唱片公司搵過你?)都有去傾過,但係我唔太心急嘅,無論係自己做好,同其他唱片公司做又好,最緊要係感覺舒服,夾到。」