獨家 ｜Edan 突襲迪士尼 挑戰33度高溫著外套熱到噴汗
撰文：鄺鈺瑩
出版：更新：
Edan要在降傘上，估出地面工作人員手執的圖案，見他玩幾次都面不改容，睇嚟唔再畏高。（陳順禎攝）
繼姜濤、Anson Lo等人出巡迪士尼後，今日（2日）又有鏡仔現身主題樂園！Edan(呂爵安）今早與903 DJ阿正到園內拍攝綜藝節目《膠戰》，不少爵屎聞風而至，而期間亦有不少媽媽見到Edan後，放棄與仔女睇巡演同遊玩，變身成追星族，足見呢位鏡仔魅力強勁。
Edan 今早約十時許在數十名保安包圍下，先後去到樂園內多個景點拍攝，而為保持MIRROR全年只穿冬裝的習俗，就算今日氣溫高達33度，加上烈日當空，Edan都著上深色牛仔外套，見他在反斗奇兵大本營玩完幾轉跌降傘後，已經滿頭大汗，不過當聽到有路人大叫「Edan」時，他亦會即時點頭打招呼。
好多粉絲。（陳順禎攝）
一行人其後到餐廳內進行拍攝，一班爵屎雖然未能入內，但望住偶像應該已手十分飽肚。完成拍攝後，Edan留在餐廳用餐，期間有食客要求籤名、合照，他都一一答應。
亦有不少媽咪帶圭小朋友睇明星。（陳順禎攝）
點擊睇Edan突襲迪士尼情況 :
+49