女神倪晨曦意外懷孕打亂陣腳：終於明咩叫有三年抱兩
撰文：吳子生
出版：更新：
倪晨曦（Elva）早前在父親節公布三年抱兩懷第二胎喜訊，孩子預產期11月出世。今日（30/6)Elva出席品牌活動時表示：「其實今次係意外懷孕，本身係冇計劃諗住會咁早再生第二個，原先係想湊住而家個囝囝先嘅，因為阿囝而家精力都好旺盛，又會開始跑跑跳跳，而且學嘢又快，其實湊住一個係會好吃力。今次咁快又有咗，原來計一計啲時間日子，我終於明咩叫有三年抱兩，原來就係呢啲。（知唔知BB性別？）得醫生知，而我哋就唔知。不過我就覺得最緊要係健康，男女都係上天俾我嘅一份禮物嚟。」
Elva懷孕4個幾月。（陳順禎攝）